Caspar Hartung
Caspar Hartung (* 1. Januar 1795 in Hamborg; † 10. April 1863 ok dor) weer en hambörgschen Jurist.
Hartung is 1795 as Söhn von Margaretha Magdalena, borene Schroedter, un Caspar Heinrich Hartung (29. Juli 1765-3. Juli 1844) in Hamborg boren. He hett Juristeree studeert un sien Dokter maakt. In’n Mai 1826 is he Gerichts- un Amtsaktuar bi dat Amt Ritzbüttel worrn. Nadem de Amtmann von Ritzbüttel, Andreas Christian Wolters, 1827 doodbleven is, is Hartung an’n 5. September 1827 as Nafolger von Wolters hambörgschen Senater worrn. Hartung is in’n September 1827 eerst Verwalter un denn in’n Juni 1828 richtigen Amtmann von dat Amt Ritzbüttel worrn. Dat is he bet 1834 bleven.
Von 1852 weer 1858 he noch en tweet Maal Amtmann von dat Amt Ritzbüttel.
Na em hett dat Lüchtschipp Caspar sien Naam kregen, dat von 1845 bet 1916 in Insatz weer. Ok de Hartungstraat hett an’n 19. März 1936 na em ehren Naam kregen.
Hartung hett an’n 19. Oktober 1825 Elisabeth Stoppel (21. August 1806-17. Juli 1867) freet. De beiden harrn de Dochter Margarete Elisabeth (3. Mai 1836-21. Januar 1880). Hartung is 1863 doodbleven un op’n Olen Hammer Karkhoff in Hamborg begraven worrn.
