Carrillo-Puerto-Formatschoon
De Carrillo-Puerto-Formatschoon is en geoloogsche Formatschoon, de in’n Oosten von de Halvinsel Yucatán in Mexiko vörkummt un as Deekbargen op de Yucatán-Tafel liggt.
De Naam kummt von’n Oort Felipe Carrillo Puerto. Defineert worrn is de Formatschoon üm 1960 rüm von de Geologen Federico Bonet Marco un Jacques Butterlin.
Dat zentrale Rebeed von de Formatschoon liggt in’n Bundsstaat Quintana Roo, se reckt aver ok bet in de Bundsstaten Yucatán un Campeche. De Schicht is üm un bi 15 Meter dick.
De Formatschoon hett sik in de Tied von 10,3 bet 3,6 Milljonen Johren vör uns Tied billt (in dat late Miozän bet in dat Pliozän), as de Region en siede See an’n Rand von de Karibische See weer, in de sik Kalksteen (vör allen in de Form von Schillkalksteen) aflagert hett. Över de Tied is de Waterpegel stegen un fullen, so dat de Region jümmer wedder för wisse Tiedrüüm dröögfullen is. Dorüm is de Kalksteen dör Zonen ünnerbraken, in de dat Sediment de Luft utsett weer. In düsse Zonen hett sik denn faken Caliche billt. Över de Caliche-Zonen lett sik de Formatschoon wieder in Ünnergruppen indelen.
Yucatán is al siet dat Oligozän tektoonsch anböhrt. Dorüm sünd de ölleren Lagen von de Carrillo-Puerto-Formatschoon wieder binnenlands to finnen un de jüngeren dichter bi de aktuelle Küst.
Fossilien[ännern | Bornkood ännern]
To de funnen Fossilien tellt: