Carl Rodenburg
Carl Rodenburg (* 17. Mai 1894 in Geestmünn; † 5. November 1992 in Graiwen) weer en düütschen Offzeer. He weer toletzt Generalleutnant in’n Tweten Weltkrieg.
Leven
[ännern | Bornkood ännern]Rodenborg is 1894 as Söhn von Julie, borene Bade, un den Koopmann un Senater Carl D. Rodenburg in Geestmünn boren. Na dat Abitur 1912 is he to’n 1. Oktober 1913 as Eenjohrig-Freewilligen in dat 5. Badische Infanterie-Regiment Nr. 113 intreden un hett mit düt Regiment an’n Eersten Weltkrieg deelnahmen. To de Tied von de Kapitulatschoon harr he den Rang von en Oberleutnant.
Na dat Enn von’n Krieg is he in de Riekswehr övernahmen worrn un weer ünner annern Kumpaniebaas in dat 14. (Badische) Infanterie-Regiment un Kummandör von dat 12. Infanterie-Regiment. Later, denn al in de Wehrmacht, weer he as Oberstleutnant Kummandör von’n Lehrstaff von de Infanterieschool Döberitz.
An’n 15. Februar 1920 het he Maria Geissenberger freet, von de he an’n 13. Juli 1925 wedder scheed worrn is. An’n 22. September 1934 hett he denn Thekla Neminar (* 30. August 1899) freet. De beiden harrn een Dochter.
In’n Tweten Weltkrieg hett he as Kummandör von dat Infanterie-Regiment 203 an’n Westfeldtog (1940) deelnahmen, ünner annern in’n Ruum Verdun un Toul. Mit düt Regiment weer he von 1941 af an ok an de Oostfront. He hett dor ünner annern en Övergang över’n Dnepr funnen un de Stalin-Lien dörbraken.
An’n 26. Januar 1942 is he as Generalmajor Kummandör von de 76. Infanterie-Division worrn, de ünner annern in de Slacht von Stalingrad fuchten hett. An’n 8. Oktober 1942 hett Rodenburg dat Ridderkrüüz von dat Ieserne Krüüz kregen un an’n 31. Januar 1943 dat Ekenloov to dat Ridderkrüüz. An’n sülven Dag güng he mit Friedrich Paulus in sowjetsche Fungenschop. In’n Oktober 1955 is he wedder ut de Fungenschop freekamen.
Ehren
[ännern | Bornkood ännern]- Iesern Krüüz (1914) II. un I. Klass[1]
- Ridderkrüüz von’n Orden von’n Zähringer Lööw mit Sweerter[1]
- Hanseatenkrüüz Bremen[1]
- Verwunntenafteken (1918) in Swart[1]
- Spang to dat Ieserne Krüüz II. un I. Klass
- Düütsch Krüüz in Gold an’n 7. März 1942[2]
- Ridderkrüüz von dat Ieserne Krüüz mit Ekenloov[2]
- Ridderkrüüz an’n 8. Oktober 1942
- Ekenloov an’n 31. Januar 1943 (189. Utgaav)