Carl Mauve

Vun Wikipedia

Carl Franz Ludwig Mauve (* 18. August 1860 in Kattowitz; † 7. Dezember 1922 in Lümborg) weer en prüüßschen Verwaltungsbeamten.

Mauve is 1860 as Söhn von en Bargraad in Kattowitz boren.[1] He hett Juristeree an de Universität Breslau studeert. 1880 is he Liddmaat von dat Corps Lusatia Breslau worrn.[2] In’n November 1882 hett he dat eerste juristische Staatsexamen maakt[1] un in dat Johr ok an de Universität Straßburg sien Dr. jur. kregen.[1]

In’n Januar 1883 is Mauve Gerichtsreferendar bi dat Oberlandsgericht Breslau worrn un Anfang 1885 as Regerungsreferendar an de Regerung in Oppeln wesselt.[1] In’n Oktober 1887 hett he de Grote Staatsprüfung maakt un is denn as Regerungsassesser an de Regerung in Posen gahn.[1] 1890 keem he na dat Oberpräsidium von de Provinz Posen.[1] Von Juni 1891 bet September 1892 weer he Hülpsarbeider in dat Prüüßsche Kultusministerium.[1]

Von 1892 bet 1900 weer he toeerst kommissarsch, von April 1893 af an denn richtigen Landraad von’n Kreis Hadersleben.[1] In’n Juni 1900 is he toeerst kommissarsch, in’n September denn richtig Oberregerungsraad bi de Regerung in Kassel worrn.[1] Dor is he later ok Viez von’n Regerungspräsidenten ween.[1] In’n März 1903 is he Oberpräsidialraad bi’n Oberpräsident in Kassel worrn.[1] He weer von Juli 1910 bet 1917 Regerungspräsident von’n Regerungsbezirk Auerk un von September 1917 bet to sien Dood 1922 in’n Regerungsbezirk Lümborg.[1] Mauve is dör de Folgen von en Operatschoon doodbleven.[1]

Mauve weer verheiraadt mit Elisabeth Kunitz (* 1867).[1] Na ehren Dood hett he in twete Eh Anna von Gehren (* 7. Oktober 1876; Dochter von Reinhard von Gehren) freet.[1] He harr mit siene beiden Froon veer Söhns un een Dochter.[1]

Ehren[ännern | Bornkood ännern]

Mauve hett den Königlich prüüßschen Kronen-Orden, III. Klass, kregen.

Warken[ännern | Bornkood ännern]

  • Die usucapio libertatis, Breslau, 1882
  • Das Wanderarbeitsstättengesetz vom 29. Juni 1907, Berlin, 1909

Footnoten[ännern | Bornkood ännern]

  1. a b c d e f g h i j k l m n o p Biografie to Carl Franz Ludwig MAUVE bi de Oostfreesch Landschap
  2. Kösener Corpslisten 1930, 19, 247.