buten un binnen

Vun Wikipedia
Zur Navigation springen Zur Suche springen

buten un binnen is dat Regional- un Lokalmagazin vun Radio Bremen för dat Land Bremen mit de Städer Bremen un Bremerhoben.

Dat Magazin kummt vun Radio Bremen, de apentlich-rechtliche Rundfunkanstalt för Bremen. Dat löppt jeden Dag avends halvig acht op Radio Bremen TV. Den annern Dag warrt dat morgens halvig ölven op Radio Bremen TV un op NDR-Feernsehn noch wedder wiest. Dat Magazin wiest allens över dat polietsche un kulturelle Leven in dat Land Bremen. Moderators vun buten un binnen, de sik jede Week afwesseln doot, sünd Michaela Herold, Mareike Schomerus, Andreas Neumann un Hans Jessen. Jessen höört siet September 2006 dorto, nadem he vörher as Redaktör vun Radio Bremen in dat ARD-Hööftstadtstudio arbeidt hett. Bet Enn April 2006 höör Andreas Hoetzel to de Moderatornkru. Vun Oktober 2003 bet September 2004 harr buten un binnen jede Week en „Leed vun de Week“. To aktuelle un regionale Themen möök de Bremer Musiker Mark Scheibe, de tovör bi Extra 3 as Pianist in’t Studio weer, satiersche Musikvideos.

De plattdüütsche Naam vun dat Magazin, buten un binnen, is anlehnt an dat Motto vun de Bremer Kooplüüd buten un binnen – wagen un winnen, dat upschreven steiht över dat Portal vun den Schütting an'n Bremer Marktplatz.

Weblenken[ännern | Bornkood ännern]