Burchard Wulff

Burchard Wulff (* üm 1620 in Lübeck; † 1701 ok dor) weer en Maler von dat noorddüütsche Barock ut Lübeck.

Leven

Wulff is üm 1620 rüm in Lübeck boren un in Kiel opwussen. He weer later op Wannerschop dör de Nedderlannen, Frankriek un England: Na düsse Tied hett he sik ok noch teihn Johr in Spanien un twee Johr in Italien ophollen. 1655 keem he na Kiel trügg un güng 1658 an’n Hoff in de sweedsche Stadt Wismer. Dor hett he en Bild von König Karl X. Gustav von Sweden mit siene Fro Hedwig Eleonora von Sleswig-Holsteen-Gottörp maalt. 1659 is he von’n Lübecker Raad as Freemeester tolaten worrn. Siene Lübecker Warken in de Marienkirch un in’n Doom sünd 1942 en Opper von’n Luftangreep op Lübeck worrn. Bewohrt sünd noch de Biller in Jakobi, Ägidien, in de neegootsche Propstiekirch un in de Sammlungen von dat St.-Annen-Museum.

Warken

• Tafelbild Christus an’t Krüüz, ünnerschreven „BWF“ un mit Datum „1662“, fröher St. Marien, verbrannt 1942
• Porträt von Paster Albert Balemann († 1672), ünnerschreven „B. Wulff fecit“, fröher St. Marien, verbrannt 1942
• Jüngst Gericht, ünnerschreven „B. WulFF INV & F 1673“, fröher Lübecker Doom, verbrannt 1942
• Archidiakonus Lukas Stein († 1671), ünnerschreven „BW. Fecit“, St. Jakobi in Lübeck
• Paster un Senior Johannes Reiche († 1688), ünnerschreven „B.WULF.fecit“, St. Ägidien in Lübeck
• Engel Köhler (Dochter von’n Lübecker Börgermeester Anton Köhler), Köhlersche Ahnengalerie in dat St.-Annen-Museum
• Physikus Dr. Laurentius, 1669, in’t Lübecker Raadhuus
• Hl. Ignatius von Loyola un Hl. Franz Xaver, all beid in de Propstiekirch Hart Jesu in Lübeck

• 
  Physicus Dr. Laurentius
• 
  Paster Johannes Reiche
• 
  Hl. Franz Xaver
• 
  Engel Köhler

Weblenken

Burchard Wulff. Mehr Biller, Videos oder Audiodateien to’t Thema gifft dat bi Wikimedia Commons.