Bucks County

Vun Wikipedia
Bucks County
Bundsstaat Pennsylvania
Sitt vun de Verwalten Doylestown
Inwahnertall 625.249 (2010)
Rebeet 1.565 km²
Inwahnerdicht

399,5 Inwahners op’n km²

Grünnt 10. März 1682
Websteed www.buckscounty.org
Koort vun Bucks County

Bucks County is en Kreis (County) in’n US-Bundsstaat Pennsylvania. He hett 625.249 Inwahners (Stand Zensus 2010) op en Rebeet vun 1.575 km². De Sitt vun de Verwalten is in Doylestown.

Historie[ännern | Bornkood ännern]

De Kreis is an’n 10. März 1682 vun William Penn as en vun dree Originalcountys vun Pennsylvania grünnt un oorsprünglich nah de sien Heimat Buckinghamshire nömmt worrn. Penn hett up dat Rebeet vun dat County leevt.

Demografie[ännern | Bornkood ännern]

Vun de 597.635 Inwahners bi’n Zensus vun 2000 harrn 320.110 Minschen Arbeit. Dat Inkamen je Kopp vun de hele Inwahnertall weer 27.430 US-Dollar. 356.646 Minschen hebbt op de Highschool ’n Afsluss maakt, ’n Afsluss an’e Universität, de ’n Bachelor-Afsluss oder noch höger weer, hebbt 125.588 Minschen maakt. 4,44 % vun de Inwahners leven 2000 ünner de Inkamensgrenz to de Armoot.

8,67 % hebbt 2000 tohuus ’n annere Spraak as Engelsch snackt un 5,93 % vun de Inwahners sünd buten de USA boren worrn.

Vun de Vöröllern her sünd 92,46 % vun de Minschen Witte, 3,26 % Swarte, 2,28 % stammt ut Asien un 0,03 % vun de Eilannen in’n Pazifik. 0,13 % sünd Nakamen vun Indianers. 0,83 % hebbt sik sülven to noch annere Gruppen torekent. 1,01 % hebbt angeven, dat se Vörfohren vun ünnerscheedliche Afstammung hebbt. As Nakamen vun Lüüd ut Latienamerika hebbt sik 2,34 % vun de Lüüd ansehn.

Inwahnertall[ännern | Bornkood ännern]

Johr Inwahnertall
1900 71.190 Inwahners
1910 76.530 Inwahners
1920 82.476 Inwahners
1930 96.727 Inwahners
1940 107.715 Inwahners
1950 144.620 Inwahners
1960 308.567 Inwahners
1970 415.056 Inwahners
1980 479.211 Inwahners
1990 541.174 Inwahners
2000 597.635 Inwahners
2010 625.249 Inwahners

Weblenken[ännern | Bornkood ännern]