Brunhilde Rühl

Vun Wikipedia
Zur Navigation springen Zur Suche springen
Rühl op en Plakaat to de Landdagswahl 2003

Brunhilde Rühl (* 31. Mai 1950 in Zeven) is en düütsche Politikerin von de CDU.

Rühl is 1950 in Zeven boren un weer dor ok op de Volksschool. Se hett na de Hannelsschool in Bremervöör en Lehr as Avkaten- un Notargehilfin in Zeven maakt. Von 1990 bet August 2004 weer se sülvstännig as Koopfro.

Rühl is Viez-Landraad von’n Landkreis Oosterholt, Vörsittersche von’n Utschuss Verkehr un Ordnungswesen un Maat von’n Kreisutschuss, den Utschuss för Kreisentwicklung, in’n Utschuss Sozialen Kraam un Raadsfro in de Stadt Oosterholzt-Scharmbeek. In de 13., 14. un 15. Wahlperiood weer se von 1994 bet 2008 Afornte in’n Landdag von Neddersassen, 1994 un 1998 över de Landslist un 2003 as direkt wählte Afornte in’n Wahlkreis Oosterholt. Dor weer se Maat in’n Utschuss för Weertschop, Arbeid un Verkehr, Präsidentin von de Parlamentariergrupp Bahn un verkehrspolietsche Sprekerin von de CDU-Landdagsfrakschoon.

Rühl is verheiraadt un hett een Kind.

Weblenken[ännern | Bornkood ännern]

Commons-logo.svg Brunhilde Rühl. Mehr Biller, Videos oder Audiodateien to’t Thema gifft dat bi Wikimedia Commons.