Brook (Mineral)

Vun Wikipedia
Wesseln na: Navigatschoon, Söök

De Brook betekend in de Mineralogie den Vörgang, wenn en Mineral dör Inwarken vun starke Kräft – groten Druck oder ’n düchtigen Slag – tweibrickt un dorbi mit tomeist unregelmatig Flachen uteneenfallt. För veele Mineralen gifft dat en tyypsch Utsehn vun disse Brookflachen. Dorüm hett man jüm Naamen geven, wiel de Brook to’n Bestimmen un künnig warrn vun Mineralen nütt warrn kann.

De Brook bi Mineralen kann ünnerscheedlich utsehn:

  • musselig – tomeist bi amorphe Materialen, de Brook sütt ut as de runne Afdruck vun en Mussel.
  • uneven
  • glatt
  • feesig
  • hakig – faken bi Metallen, de sik taach formen laat.
  • splitterig
  • eerdig

En annere Oort vun Verfallen bi Mineralen is dat Splitten. Dat hett aver nix mit den Brook to doon un dröff dormit nich verwesselt warrn.