Brigitte Xander

Vun Wikipedia
Zur Navigation springen Zur Suche springen

Brigitte Xander (* 27. April 1942 as Brigitte Ksander in Bruck an der Mur, Steiermark; † 18. Oktober 2008 in Wien) weer en öösterrieksche Radio- un Feernsehmoderatersche.

Leven un Wark[ännern | Bornkood ännern]

Xander is in Wien na School gahn un hett dor ok Rechtswetenschoppen un Dolmetschen studeert. Üm dat Studium betahlen to künnen, hett se op Anraden vun ehr Mudder hen an den Sprekerwettstriet deelnahmen un bi’t Radio arbeit.

Se hett in’t Radio 27 Johren lang (1969–1996) den Ö-Wecker modereert, de sünndags deelwies vun’n SFB övernahmen worrn is. Wieter hett se 16 Johren lang dör dat 100.000-Schilling-Quiz föhrt, dat se toeerst sünndags middags op Ö3 un later denn op Radio Niederöösterreich bit to ehr Pensioneeren 2000 modereert hett. Vun 1995 an weer se ok Moderatersche bi Autofahrer unterwegs op Ö2 un möök in de Ferientiet dat Programm Radio Holiday – Die Ferienwelle von Ö3.

In de 1970er Johren hett se in’t Feernsehn Wir modereeert un 14 Johren lang de Kaaksennen Bitte zu Tisch mit prominente Gäst. Wieter modereer se ok de Wiener Utgaav vun Bundesland heute. In Düütschland is se sünners dör de Speelshow Dalli Dalli mit Hans Rosenthal bekannt worrn, in de se blangen Ekkehard Fritsch, Mady Riehl un Christian Neureuther 15 Johren lang in de Jury setten hett. Toletzt hett se 2001 bi de tweeten Staffel vun Taxi Orange in de Jury setten.

Blangen ehr Stimm weer ehr Pagenkopp-Frisur en Markenteken vun Xander. Mitünner is se mit Chris Lohner verwesselt worrn, de ruchweg gliek oolt is, ok en Pagenkopp dragen hett un Wir modereeren de.

In’t Johr 1985 hett se ehrn lateren Ehmann drapen, mit den se de Vörleev för den Duuksport deelt hett. 2008 is se swoor krank worrn un na korte Tiet doodbleven. Se weer an’n 10. November 2008 in Wien op’n Sieveringer Karkhoff bisett.

Weblenken[ännern | Bornkood ännern]