Brescia

Vun Wikipedia
Zur Navigation springen Zur Suche springen
De kapitoliensch Tempel in Brescia (UNESCO-Weltarv)

Brescia [[ˈbɾɛʃːa]] Loudspeaker.svg Anhören D (latiensch: Brixia) is en italieensch Stadt mit 196.745 Inwahnern (Stand: 31. Dezember 2017) up en Flach van 90,34 km², Hööftstadt van de glieknamig Provinz Brescia un nah Mailand tweetgröttste Stadt van de Lombardei.

Hör Intoogsberiek umfaat insgesamt 350.000 bit 500.000 Inwahner un se gellt as de dartgröttste italieensch Industrieregion.

De archäologische Beriek van dat Forum Romanum un de klösterliche Komplex van San Salvatore-Santa Giulia hörrn to en Grupp van Gebäudeensembles, de ünner den Titel „Die Langobarden in Italien, Orte der Macht (568 bis 774 n. Chr.)“ in‘n Juni 2011 up de List van dat UNESCO-Weltarv sett wurrn.[1]

Geschichte[ännern | Bornkood ännern]

Antike[ännern | Bornkood ännern]

Dat antike Brixia weer en Siedlung van den keltischen Volksstamm Cenomanen. De wurr 225 v. Chr. röömsch, as sück de Cenomanen dat Röömsch Riek ünnerwerfen deen. Augustus hett hier 27 v. Chr. en Zivil-(nicht Militär-)Kolonie grünnd. Vespasian leet wiels sien Regeerenstiet in dat Zentrum van Brixia, as Dank an de Inwahner van de Stadt för de Ünnerstütten wiels sien Kaiserkandidatur, en grooten Tempel uprichten. De weer insgesamt dree Gottheiten widmet. Dat archäologische Areal mit den Överresten van den Tempel, Capitolium nömmt, kann man noch hüüd in Brescia ankieken.

Langobarden[ännern | Bornkood ännern]

Nah den Daalgang van dat röömsch Imperium wurr Brescia wiels de Tiet van de Völkerwanderung van verscheedenen Stämmen, as to’n Bispeel Goten un Hunnen, besett. Eerst as sück de Langobarden ünner König Alboin dor daal leeten, keem weer Ruhe in de Stadt rin, un se kunn langsam to hör instig, toletzt ünner de Römer doween Blööt toruchkehren. De Langobarden hemm sück van Norden ut immer wieder in Richt Süden up de italieensch Halfinsel utbreedt, un Brescia wurr Sitt vun en van de all tosommen 36 Hartogdömer van dat Riek van de Langobarden, de sien König sien Hööftsiet in Pavia harr. Brescia sülvst hett twee Könige hervörbrocht, 636 Rotari un 757 Desiderius, ünner de sien Regiment Brescia to en bedüüdend kulturellen Zentrum upsteeg. 753 hett he gemeensam mit sien Gemahlin Ansa dat Kloster San Salvatore in dat Hart van dat dormalige Stadtzentrum van Brescia grünnd un hett dat mit en riek Utstatten versehn, as bispeelswies den Reliquien van de Santa Giulia (Julia von Korsika). En van de Döchter van Desiderius hett 770 Karl den Grooten, den König över dat Frankenriek heiraadt. Blots wenige Johren dornah hett Karl de Grote sien Fru verstött un is mit sien Heer över de Alpen in Richt Langobardenriek marscheert, wat dat Enn‘ van de Langobardenherrschap in Italien bedüüden sull.

Karolinger[ännern | Bornkood ännern]

Kloster San Salvatore: de Kark Santa Maria in Solario (UNESCO-Weltarv)

To Tiet van de Karolinger weer dat van Königin Ansa grünnd Kloster San Salvatore (hüüd de Museumskomplex San Salvatore-Santa Giulia) dat Zentrum van de Stadt. De (Laien-) Äbtissinnen van dat Kloster stammten lang Tiet ut de herrschenden Familien.

Bekannt Lüüd ut disse Stadt[ännern | Bornkood ännern]

Literatur[ännern | Bornkood ännern]

  • Walter Pippke, Ida Leinberger: Gardasee, Verona, Trentino; Kunstreiseführer. DuMont Buchverlag, Köln 1998, 2. Uplaag 2000, ISBN 3-7701-4343-4, S. 172.
  • Guida di Brescia: La storia, l’arte, il volto della città. Mauro Bonetti: il Medioevo, Brescia 2005 S. 54.
  • Touring Club Italiano: Brescia e il suo territorio. Milano 2012, S. 24 f.
  • Anna Ferrari-Bravo, Paola Colombini: Guida d’Italia. Lombardia (esclusa Milano). Milano 1987, S. 545–602, 604–605.
  • Lombardia – Touring club italiano, Touring Editore (1999), ISBN 88-365-1325-5, Brescia Online

Weblinks[ännern | Bornkood ännern]

Commons-logo.svg Brescia. Mehr Biller, Videos oder Audiodateien to’t Thema gifft dat bi Wikimedia Commons.
  • Turismo Brescia. Comune di Brescia, afropen an’n 20. März 2014 (Tourismusportal van de Stadt Brescia).
  • Paesaggio Italiano. Leonardo Bellotti, afropen an’n 24. Oktober 2012 (italieensch, Fotogalerie Brescia).

Enkeld Nahwiesen[ännern | Bornkood ännern]

  1. Brescia: description of goods In: italialangobardorum.it. Afropen an’n 8. Januar 2016 (engelsch).