Bredensport

Vun Wikipedia
Zur Navigation springen Zur Suche springen

Bredensport oder Freetietsport faat all sportliche Aktivitäten tohopen, de vör allen för de Fitness un Wehl, as Utgliek bi Mangel an Bewegen oder eenfach to’n Spaaß an’n Sport utöövt warrt. Dormit grenzt sik de Bredensport vun’n Wettkamp- un Leistungssport af. Bredensport warrt vör allen in de Freetiet bedreven, slutt aver ok den Schoolsport un den Bedriefssport mit in.

Begreep[ännern | Bornkood ännern]

En eenheitliche Defintischoon vun den Begreep Bredensport gifft dat nich. De Düütsche Sportbund hett 1975 defineert, dat een ünner Bredensport „jede sportliche Aktivität“ versteiht, de „nich as Wettkamp bedreven warrt“[1]. Man, sünners bi’n Mannschopssport sünd Wettkämpen ok in’t Rebeet vun’n Bredensport begäng un sülvstverständlich. Wopp un Dieckert (2005) hebbt den Freetietsport bestimmt as „Sport för mööglichst vele Lüüd“, de dör veelsietige Bewegungsantwoorten kenntekent is un em to’n „Sport för jeedeen“ maakt. In en differenzeert Modell geiht Wopp vun en wiet Sportverständnis ut, dat „Wettkämp op ünnere oder middlere Even mitinsluten deit“.

Opstunns formuleert de Düütsche Olympische Sportbund allgemeen: „Dat Sportanbott schall de Lüüd as bewegens- un lieforienteerten Entwickeln vun de Persönlichkeit denen un strevt Gesundheit in physische, psychische un soziale Hensicht an“[2] .

Butendem gifft dat twee liecht ünnerscheedliche Definitschonen vun’n Bredensport:

  • Sport, de in de Breed vun dat Volk, also in verschedene Öllersgruppen vun Frons- un Mannslüüd bedreven warrt, un Synonym ok as Volkssport oder Massensport betekent warrn kann.
  • Dat hele Rebeet vun’n Sport, dat nich professchonell bedreven warrt, also ok Rand- un Extremsport, wat synonym as Amateursport betekent warrn kann.

För ne’e Bredensportorden warrt in de Sportartikelindustrie geern ok de Begrepen Funsport oder Trendsport bruukt, üm de Produkten beter to vermarkten.

Organisatschoon[ännern | Bornkood ännern]

Dreetietsport höört ünner de Beteken Sports for All to de Olympsche Bewegen. De internatschonale Verband för den Bredensport is de Trim and Fitness International Sport for All Association (TAFISA), de ehrn Sitt in Frankfort an’n Main hett.

Föddern vun’n Bredensport[ännern | Bornkood ännern]

Üm den Bredensport to ünnerstütten, sünd in Düütschland mehrere Mööglichkeiten inricht worrn, go’e Leistungen düütlich to maken. Dorto höört ü.a. de verschedenen Utföhren vun’t Sportafteken. in’t Johr 1970 weer vun’n Düütschen Sportbund (DSB) de Trimm-dich-Bewegung dör de Grünners Jürgen Dieckert un Jürgen Palm mit de Warffigur „Trimmy“ in’t Leven ropen worrn, de Sport, Bewegen un Gesundheit in’t apentliche Leven drägen schüll un dat dorbi sünners op en Deelnahm an Bredensportorden afsehn harr.

Borns[ännern | Bornkood ännern]

  1. Tietschrift Deutscher Tischtennis Sport, 1976/1 S.37
  2. [1] DOSB, S. 2

Weblenken[ännern | Bornkood ännern]