Bröcken
Bröcken (hoochdüütsch Bröcken) weer en lütten Oort bi Vesack. De Oort is vondaag blots noch as Stratennaam vörhannen un billt keen egen Oort mehr. Dat Rebeed höört to’n Oortsdeel Aumund-Hammersbeck in’n Stadtdeel Vesack von de Stadt Bremen.
Geografie[ännern | Bornkood ännern]
Dat Rebeed liggt op de Oosterholter Geest. Dat Water ut dat Rebeed flütt över de Schönebecker Au af.
In histoorsche Tieden weren de Naveröörd Schönebeck in’n Noordoosten, Friedrichsdörp in’n Oosten, Grohn in’n Süden, Vesack in’n Süüdwesten, Aumund in’n Westen un Voraumund un Borchshöh in’n Noordwesten.
Historie[ännern | Bornkood ännern]
Verwaltungsgeschicht[ännern | Bornkood ännern]
De Oort hett vör 1852 to’n Bezirk Schönebeck von dat Gericht Leessem-Schönebeck tohöört, von 1852 bet 1859 to dat Amt Leessem un denn von 1859 bet 1885 to dat Amt Blomendal. Na 1885 weer dat in’n Kreis Blomendal, de 1932 Deel von’n Kreis Oosterholt worrn is.
Bröcken hett von öllers bi Voraumund tohöört. De Gemeen Voraumund is 1907 Deel von de Gemeen Aumund worrn un Aumund is 1939 denn von’n Landkreis Oosterholt an de Stadt Bremen wesselt. 1946 is Aumund mit Hammersbeck tohoopleggt worrn to’n Oortsdeel Aumund-Hammersbeck.
Inwahnertall[ännern | Bornkood ännern]
| Johr | Inwahners |
|---|---|
| 1848[1] | 25 Lüüd, 3 Hüüs |
| 1. Dezember 1885[2] | 12 Lüüd, 2 Hüüs |
Religion[ännern | Bornkood ännern]
Bröcken is evangeelsch-luthersch präägt un höört to dat Kaspel von de Kark Aumund.
För de Kathoolschen is de Hillige-Familie-Kark in Grohn tostännig. Von 1920 bet 2006 hett Bröcken to de Karkengemeen von de St.-Willehad-Kark in Aumund höört. Düsse Kark hett von 2006 af an to de Hillige-Familie-Kark höört un hett 2011 kumplett dichtmaakt. Vör 1920 weer de St.-Marien-Kark in Blomendal för den Oort tostännig.
Lüüd[ännern | Bornkood ännern]
De Botaniker Fritz Theodor Overbeck hett in Bröcken leevt un is dor 1983 doodbleven.
Footnoten[ännern | Bornkood ännern]
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 173
Koordinaten:53° 10′ N, 8° 41′ O