Bonifatius II.

Vun Wikipedia
Wesseln na: Navigatschoon, Söök
Bonifatius II., Phantasiedorstellen in de Basilika Sankt Paul vor den Mauern

Bonifatius II. (* in Rom; † 17. Oktober 532) weer van 22. September 530 bit to sien Dood Bischop vun Rom. Sien Naam bedüüd: de Wohltäter (latiensch).

He weer vun Gebort her en Ostgote, Söhn vun den Sigibuld. Sien Wahl verdankt he den Infloot vun den gotschen König Athalarich. He wurr wegen en öllere Geschichtsupfaaten, de traditschonellerwies Germanen allgemeen as fröhe Düütsche verstahn harrn, mitünner as de eerste Düütsche betekent, de to'n Paapst wählt wurr.

Bonifatius wurr vun sien Vörgänger Felix III. as Nahfolger designeert. Wiel de en groot Anhänger vun den Gotenkönig weer un de den Arianismus anhung, is disse Nahfolgeregelung aber nich up de nödige Anerkennen stött. Dorum hett en Deel vun den röömschen Klerus Dioskur as Gegenpaapst wählt. Dioskur is aber all nah 22 Daag storven, so dat dat drohende Schisma nicht geev. De Klerus weer dwungen, dat vun Bonifatius över Dioskur verhangt Anathema antoerkennen, dat aber nahderhen vun Agapitus I. 535 weer wedderropen wurr.

In de Tiet vun sien Pontifikat hett he de Beslüsse to de Verdammen vun den Pelagianismus un den Semipelagianismus bestätigt, de up de Synode von Arausio 529 faat wurrn weern.

531 hett ok Bonifatius versöcht, de Nahfolge togunsten vun den Vigilius fasttoleggen, muss aber disse Regelung up Druck vun den Klerus weer torüchnehmen. Vigilius wurr aber trotzdem eenig Johr later to'n Bischop vun Rom wählt.

Weblinks[ännern | Bornkood ännern]

Commons-logo.svg Bonifatius II.. Mehr Biller, Videos oder Audiodateien to’t Thema gifft dat bi Wikimedia Commons.
Vörgänger Amt Nafolger
Felix III. Paapst
530 - 532
Johannes II.