Blattschuven

Vun Wikipedia
Zur Navigation springen Zur Suche springen
Schemaatsche Dorstellen vun en Blattschuven
Luftbild vun de San-Andreas-Stören

As Battschuven warrt in de Eerdwetenschoppen en tektoonschen Vörgang betekent, bi de twee Blöck an en Störflach waagrecht an’nanner vörbi schaven warrt. En Störflach beschrifft dorbi en Flach, an de en massiven Steenblock binnen de Eer dör dat Wirken vun starke Kräft tweibroken is, as dat op dat Bild dorstellt is. Dat bekannste Bispeel för disse Oort vun geoloogsche Stören is de San-Andreas-Stören in Kalifornien.

Jüst so as an annere Stören, bi de sik Steenblöck na baven (Opschuven) oder na ünnen (Afschuven) bewegt, künnt sik de Eenheiten, de an de Störflach bewegt warrt, verhaken un verkanten, so dat sik grote Spannungen opboet. Warrt disse Spannungen to groot, gifft dat en Eerdbeven, wobi sik denn de beiden Blöck mit en Ruck an’nanner vörbi bewegt. Man ünnerscheedt twüschen sinistrale un dextrale Blattschuven afhangig vun de Richt vun de Bewegung. Dat is so defineert, dat een op den een Block steiht un op de Störflach kiekt. Bewegt sik de Block gegenöver na links, denn is dat en sinistrale Blattschuven. Bewegt de sik na rechts seggt man dorto dextral. Dorbi speelt dat keen Rull, op welke Siet vun de Stören een steiht. Und de Beteken is ok unafhangig vun de Himmelsricht.

Literatur[ännern | Bornkood ännern]

  • Gerhard H. Eisbacher: Einführung in die Tektonik, 1. Oplaag, Ferdinand Enke Verlag, Stuttgart, 1991, S. 57–69, ISBN 3-432-99251-3