Björn Ferry

Vun Wikipedia
Björn Ferry

Björn Ferry (* 1. August 1978 in Stensele, Gemeend Storuman) is en ehmalger sweedsch Biathlet un Olympiasieger in' Biathlon.

Björn Ferry geev sien Debüt in' Weltcup 2001 bi de eerst Weltcupstatschoon vun de Saison in Hochfilzen. All in sien dart Eenzelrennen leep he in de Punkte. Mit de Staffel wunn Ferry 2005 in Oberhof mit dat sweedsch Team unverwacht en Weltcuprennen.

Bi de Olympisch Spelen 2002 in Salt Lake City un 2006 in Turin is he in all mögelk Rennen an den Start gahn. Sien best Eenzelplatzeeren weer dorbi Platz 14 in' Sprint 2006. Mit de Staffel verpass he bi de sülvig Spelen up Platz veer en Medaille knapp.

Bi de Biathlon-Weltmeesterschapen 2007 in Antholz wunn he nah en veerten Platz in' Eenzel mit de Mixed-Staffel de Goldmedaille. An' 19. Januar 2008 reck he in de Verfolgung vun Antholz sien eersten Weltcupsieg in en Eenzelrennen un kunn dorbi Nikolai Kruglow un Michael Greis achter sück laaten. An' Enn vun de Saison stunn he up Platz 3 in den Verfolgungsweltcup un Rang 6 in den Gesamtweltcup.

Sien gröttsten Erfolg fier Ferry mit de Gewinn vun dat Verfolgungsrennen bi de Olympisch Winterspelen 2010 in Vancouver vör Christoph Sumann un Vincent Jay, nahdem he in' Sprint noch Platz 8 beleggt harr. Mit de Staffel keem he up den 4. Platz.

Nah de Saison 2013/14, in de he nochmal twee Rennen winnen kunn, den Sprint un den Massenstart vun Pokljuka, hett Ferry gemeensam mit Carl Johan Bergman sien sportliche Karriere afslooten. In' Gesamtweltcup keem he in de Saison up Platz 9 un in' Verfolgungsweltcup up Rang 4.

Ferry, de völfack sweedsch Meester weer, is för den Vereen Storuman IK antreeden. Sien Trainer weer bit to de Saison 2010/2011 Wolfgang Pichler, toletzt wurr he vun Staffan Eklund traineert.

He leevt in Storuman un is mit de fievfack Weltmeesterin in' Armwrestling, Heidi Andersson, verheiraadt.

Weltcupsiege[ännern | Bornkood ännern]

Datum Oort Land Disziplin
19. Januar 2008 Antholz Italien Verfolgung
24. Januar 2009 Antholz Italien Verfolgung
16. Februar 2010 (OS) Vancouver-Whistler Kanada Verfolgung
18. Dezember 2010 Pokljuka Slowenien Sprint
16. Januar 2011 Ruhpolding Düütschland Verfolgung
6. März 2014 Pokljuka Slowenien Sprint
9. März 2014 Pokljuka Slowenien Massenstart

Weblenken[ännern | Bornkood ännern]