Bittenfeller

Vun Wikipedia
Zur Navigation springen Zur Suche springen
Bittenfeller Appel

De Bittenfeller (ok Bittenfeller Samling) is en Sort vun’n Huusappel (Malus domestica).

Bi de Sort hannelt sik dat üm en Tofallssamling ut Waiblingen, nipp un nau ut den hüütigen Stadtdeel Bittenfeld, in Baden-Württemberg. De Frücht sünd düchtig saftig und wiest en hogen Sucker- un Süürandeel op, so dat he to de besten Sorten för Söötmost tellt.

De Appel tekent sik dör robuste Bööm ut, de lang leevt un bestännig is gegen Krankheiten un Frost. He kann dorüm goot för den Anbo op Streiaaftwischen bruukt warrn. De Frücht sünd lütt bit middelgroot un vun zitronengele Klöör. Se warrt wüschen Enn vun’n Oktober bit Mitt vun’n November riep un künnt dorüm bit März lagert warrn. As de Frücht düchtig fast an’n Boom hangt un eerst laat riepen doot, kann de Boom mitünner ok na’n eersten Snee noch drägen.

De Bittenfeller is een un de wenigen Appelsorten, de sülvstfruchtbor is, so dat de Samlingen all teemlich gliek utfallt. Dormit is en gliekmatige Gööd bi de Optucht mööglich. Ut den Grund warrt de Sort geern as Ünnerlaag to’n Vereddeln vun Hoochstämm nahmen.

Literatur[ännern | Bornkood ännern]

  • Walter Hartmann (Rgv.): Farbatlas Alte Obstsorten. Ulmer Verlag, Stuttgart 2000.
  • Martin Stangl: Obst aus dem eigenen Garten. München 2000.

Weblenken[ännern | Bornkood ännern]

  • Bittenfeller, Datenblatt vun de Obstbauberatung Baden-Württemberg, Verband vun de Bedeensten för Aaftbo, Gorrnbo un Landspleeg in Baden-Württemberg (VBOGL) e.V.