Bischsteen

Vun Wikipedia

Bischsteen (poolsch Bisztynek [bʲiʃˈtɨnɛk], hoochdüütsch Bischofstein) is ene Stadt mit 2.540 Inwahners (Stand 30. Juni 2005) op 2,16 km² in dat Ermland in Polen (Woiwodschop Ermland-Masuren, Kreis Bartensteen).

Historie[ännern | Bornkood ännern]

1346 hebbt düütsche Siedlers dat Dörp Schönfließ in de Neegd vun dat prußische Dörp Strowangen grünnt. 1385 kemen de beiden Öörd ünner Bischop Heinrich III. Sorbom, de sien Bischopsseet hier anleggen dee, tohoop un hebbt Kulmer Stadtrecht kregen. Dat Steen in’n Naam keem vun en groten Findling, de noch jümmer bi de Stadt liggt, acht mal söven Meter groot un dree Meter hooch.

In’n Städtekrieg hett Bischop Paul Stange vun Legendörp de Stadt afbrennt, dat se nich den Gegener in de Hannen fallen dee. De Wedderopbo weer eerst mit de Handfeste vun 1481 trech.

1945 sünd de Düütschen ut Bischsteen verdreven worrn un Polen hebbt sik ansiedelt. Hüüt is de Stadt dat Zentrum vun de Gemeen Bischsteen. En Bowark vun Bedüden in de Stadt is de Kark St. Matthias (vun üm un bi 1400) mit ehren Barocktoorn.

Inwahnertall[ännern | Bornkood ännern]

  • 1875: 3.472
  • 1890: 3.232
  • 1910: 3.183
  • 1933: 3.265
  • 1939: 3.163

Weblenken[ännern | Bornkood ännern]


Koordinaten:54° 4′ N, 20° 54′ O