Birgit Meyn-Horeis

Vun Wikipedia

Birgit Meyn-Horeis (* 25. Januar 1962 in Öberndörp) is en düütsche Politikerin von de SPD.

Meyn-Horeis is 1962 in Öberndörp boren. Se weer na de Grundschool in Öberndörp op de Realschool Kumbarg un op de högere Hannelsschool in Cuxhoben. Na de School hett se en Lehr as Verwaltungsanstellte bi de Samtgemeen Hadeln in Oterndörp maakt un dor na de Lehr ok wieder arbeidt. 1986 is se in de SPD rin. 1993 hett se ophöört to arbeiden un is in Erziehungsurlaub gahn. 1994 is se Maat von de Gewerkschaft ver.di worrn. Bi de Landdagswahl 1994 is se för den Wahlkreis Hadeln in’n Landdag von Neddersassen wählt worrn. Se weer von 1994 bet 2003 in’n Landdag (13. un 14. Wahlperiood).

En Tied weer se ok Börgermeestersche von de Gemeen Öberndörp. Siet de Wahl 2016 is se för de SPD Maat in’n Stadtraad von de Stadt Hemmoor.