Berthold Brügge

Vun Wikipedia

Berthold Brügge (* 1. Oktober 1909 in Rostock; † 31. Mai 1979 ok dor) weer en bekannten plattdüütschen Schriever bi’n Höörfunk in de DDR.

Leven[ännern | Bornkood ännern]

Brügge is 1909 in Rostock as Söhn vun en Bookbinner boren. Bet 1924 güng he in Rostock op Realschool, möök bet 1927 ene Lehr as Textilkoopmann un weer denn Verköper un Dekoratör in Rostock. 1931 hett he de Kinnerlähmung kregen un eerst 1932 wedder anfungen as Verköper to arbeiden. Vun 1934 af an is he Teekner bi de Heinkel-Warken. 1945 bet 1947 weer he in Däänmark un hett denn as Sakenbearbeider bi VVB Maschinenbau Metallwaren Rostock arbeidt un vun 1951 af an bi’n Schippbo as Konstruktör op de Neptun-Warft in Rostock. He hett för den Höörfunk Höörspelen un Funkszenen schreven. Ok för Daagbläder hett he Kortgeschichten, Vertellen un Reportaschen maakt. Böker hett he blot een rutbröcht, Mit oll Topp bi Kap Huurn, dat welk vun siene Arbeiden tohoopfaten dee.

Warken[ännern | Bornkood ännern]

  • Mit oll Topp bi Kap Huurn. Reportagen und Erzählungen in niederdeutscher Sprache für Hörfunk und Zeitungen. Hinstorff 3. Oplaag, Rostock 1987.

Weblenken[ännern | Bornkood ännern]