Bert C. Biehl
Bert C. Biehl (* 25. September 1959 in Hamborg) is en plattdüütschen Musiker un Schriever.
Biehl is 1959 in Hamborg boren. He studeer in Hamborg op Schoolmeester. Achteran afsolveer he en Volontariat bi Axel Springer un arbeid as Redaktör (t. B. bi de Elmshorner Nachrichten). 2016 wessel he torüch in den Hamborger Schooldeenst, toeerst üm Flüchtlingskinner in en Camp to ünnerrichten. Vun 2018 bet 2025 harr Biehl dat Leit vun en Grundschool in Hamborg-Niendörp.
Vun 1995 bet 2005 un vun 2010 bet 2015 weer he bi de plattdüütsche Musikgrupp Liekedeler mit dorbi. 1996 weer he mit sien Leed Heimatleev Deelnehmer von’n düütsche Vörutscheed to’n Grand Prix der Volksmusik un 2004 mit dat Leed Raus auf die See. 2021 grünn he tosamen mit de Ex-Liekedeler-Muskanten Gert Drögemüller un Uwe Rimsa de plattddüütsche Musikgrupp Plattvent (för de Adventstiet) bzw. Platt[E]vent (för de annern Maanden vun't Johr).
Priesen
[ännern | Bornkood ännern]Biehl hett 2001 mit de Geschicht De Opdrag un 2002 mit de Geschicht Sina denn eersten Pries bi Vertell doch mal wunnen. 2013 hett he dor mit Arvstücken noch wedder wunnen.
2000 hett he för Gahn or blieven op de Bemsen-Dagfohrt den eersten Preis för den besten Ledertext ut uns Tied op Plattdüütsch kregen (ünner den Schrieversnaam Karsten Horn).
