Bentfelle

Vun Wikipedia

Bentfelle is en Dörp, dat to de Stadt Diälbrügge höört. Dat liggt in’n Kreis Patterbuorn in Noordrhien-Westfalen un hett 1314 Inwahners (Stand 30. September 2005) op en Rebeet vun 8,09 km².

Historie[ännern | Bornkood ännern]

Toeerst in de Oorkunnen kummt de Oort 1082 vör. Bentfelle is den 1. Januar 1975 na de Gemeen Diälbrügge kamen.

Börgermeesters[ännern | Bornkood ännern]

Börgermeesters vun Bentfelle vun 1945 af an bet to dat Enn vun de Sülvstännigkeit as Gemeen:

  • 1945-1946: Johann Scherf
  • 1946-1948: Johannes Möring
  • 1948-1964: Peter Nolte (CDU)
  • 1964-1974: Gerd Heumüller (CDU)

Wapen und Banner[ännern | Bornkood ännern]

Wapen vun Bentfelle

An’n 20. März 1967 hett de Binnenminister vun Noordrhien-Westfalen de Gemeend Bentfelle ehr Wapen un Banner genehmigt.

Wapen: Vun Gold un Rood deelt, baven en grönen Prießelbeerstruuk mit rode Frücht, de mit dree Twiegen ut de Deellien rutwasst.

Banner Rood-Geel längs striept mit dat Gemeenwapen in dat witte Bannerhööft.

Dat Wapen kummt vun en Segel vun’n Sauster Börger Godefrid vun Bentfelle, den sien Naam woll vun’n Oort kummt. Dat as Prießelbeer düüdt Wapenbild schall wohrschienlich op „Bent“ henwiesen, also Heid, Moor. In de Heid bi Bentfelle hebbt fröher ok Prießelbeeren wussen. De Farven Gold-Rood sünd de vun dat Hoochstift Patterbuorn, to dat de Oort siet dat fröhe Middelöller höör.


Koordinaten:51° 44′ N, 8° 37′ O