Benoît Mandelbrot
Benoît B. Mandelbrot (* 20. November 1924 in Warschau; † 14. Oktober 2010 in Cambridge, Massachusetts[1]) weer en franzöösch-US-amerikaansch Mathematiker.
He weer emeriteert Sterling Perfesser an de Yale University un wetenschaplich Mitarbeiter an IBM sien Thomas J. Watson Research Center un an dat Pacific Northwest National Laboratory. Mandelbrot leev bit to sien Dood in de USA. He hett wegwiesen Arbeiten to de fraktal Geometrie un Chaosforschung leist. Sien populärst Opdecken is de fraktal Mandelbrot-Menge.
Leven
[ännern | Bornkood ännern]
Mandelbrot wurr in Polen in en litauisch-jöödsch Familie mit utpräägt akademisch Tradition boren. Sien Moder weer Doktersch, sien Vader Kleedaschhannelsmann. 1936 is de Familie nah Paris översiedelt.
As Jung wurde Mandelbrot vun twee Unkels in de Mathematik inführt. 1952 hett he sien Doktertitel in Mathematik an de Pariser Universität kregen. 1958 is he in de Forschungsafdeelen in dat Thomas J. Watson Research Center bi IBM intreden. 1975 wurr he dor to’n IBM Fellow ernannt, en Utteknung, de hüm wietgahnd Freeheiten in sien Forschung mögelk maken dee. Nah sien Emeritierung 1987 wurr he to’n Perfesser för Mathematik an de Universität vun Yale beroopen (bit 2005).
Sien woll bekanntst Book is Die fraktale Geometrie der Natur (Basel, 1991. ISBN 3-7643-2646-8). Sien jüngst Book to de fraktal mathematisch Strukturen an de Finanzmärkten Fraktale und Finanzen (ISBN 3-492-04632-0)[2] kreeg de Wertschapsbookpries vun de Financial Times Deutschland (FTD).
Utwahl vun Ehrungen
[ännern | Bornkood ännern]- 1985: Barnard Medal for Meritorious Service to Science
- 1986: Franklin-Medaille
- 1987: Alexander von Humboldt Pries
- 1988: Steinmetz-Medaille
- 1991: Nevada-Medaille
- 1993: Wolf-Pries för Physik
- 1999: Ehrendokter vun de University of St Andrews
- 2003: Japan-Pries
Nah hüm is ok de Asteroid Mandelbrot nömmt wurrn.
Weblenken
[ännern | Bornkood ännern]
- Mandelbrots Homepage an de Universität Yale
- Interview (New Scientist, 2004, up Engelsch, Betallware)
- Der Vater des Apfelmännchens (Technology Review, 2005)
- TED Vortrag: Fractals and the art of roughness (2010)
- Mandelbrot in de Katalog vun de Deutsche Nationalbibliothek
- Personennaamdatei
Enkeld Nahwiesen
[ännern | Bornkood ännern]- ↑ Benoit Mandelbrot, Mathematician, Dies at 85, The New York Times, 16. Oktober 2010
- ↑ Besprechung zu Fraktale und Finanzen