Bengt Robert Holmström

Vun Wikipedia
Wesseln na: Navigatschoon, Söök
Bengt Holmström (2008)

Bengt Robert Holmström (* 18. April 1949 in Helsinki) is en Perfesser för Wertschapswetenschapen. Aktuell (2007) lehrt he an dat Massachusetts Institute of Technology. Tosommen mit Oliver Simon D’Arcy Hart wurr hüm 2016 de Nobelpries för Wertschapswetenschapen tospraaken.[1]

Leven[ännern | Bornkood ännern]

Sien Universitätsutbillen mit de Facken Mathematik, Physik un Statistik hett Bengt Holmström 1972 mit een Bachelor of Science an de Universität Helsinki afslooten. Doran sloot sück en Operations-Research-Studium an de Stanford University an wo he 1975 den Master of Science kreeg. In dat Jöhr dorvör wurr sien Söhn Sam boren[2]. He bleev dornah för wiedere dree Johr an de Universität un kreeg dor sien Doktertitel (Ph.D.). Ansluutend gung Holmström för een Johr as Dozent an de Swedish School of Economics and Business Administration. 1979 kehr he in de USA torüch, wo he an de Northwestern University toeerst as Dozent un af 1980 as außerordentlicher Perfesser Bedrievswertschap lehren dee. 1983 hett he de Northwestern University verlaaten un gun an de Yale-Universität as Perfesser för Volkswertschap un Organisatschoon. 1997 wurr he Perfesser för Volkswertschap an dat am Massachusetts Institute of Technology.

Wetenschaplich Arbeit[ännern | Bornkood ännern]

Neben sien Anstellungsverhältnissen as ordentlicher Perfesser nehm Bengt Holmström mehrere Gastprofessuren wohr. So etwa 1985 bit 1986 an de Universität Stanford, 1991 bit 1992 an de Hannelshoochschool Helsinki, 1996 bit 1999 an de Hannelshoochschool Stockholm, 1999 an de Universität Helsinki un toletzt in' Harvst 2006 an de Universität Chicago. He wurr mehrfack mit en Ehrendokter uttekent, so vun de Hannelshoochschool Stockholm (1998), de Sweedsch Hannelshoochschool un de Universität Vaasa (1988)[3][4]. He is siet 1993 Liddmaat vun de American Academy of Arts and Sciences un siet 2007 Liddmaat vun de Finnisch Akademie vun de Wetenschapen. Buterdem is he Liddmaat vun de Königlich Sweedsch Akademie vun de Wetenschapen.

Holmström befaat sück in dat nah hüm nömmt Holmström-Modell mit de Hidden-action-Problematik vun den Arbeitsinsatz vun Arbeitnehmern.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. [1] The Sveriges Riksbank Prize in Economic Sciences in Memory of Alfred Nobel 2016, Nobel Media AB, http://www.nobelprize.org, engelsch van' 10. Oktober 2016
  2. CURRICULUM VITAE – August 2013 – BENGT ROBERT HOLMSTROM
  3. Bengt Holmstrom – Short Biography
  4. Bengt Holmstrom – Biography