Balthasar Permoser

Balthasar Permoser nah en Teknung vun Moritz Bodenehr

Balthasar Permoser (* 13. August 1651 in Kammer bi Waging; † 20. Februar 1732 in Dresden) weer en vun de bedüüdenst Bildhauer ut de Barock. Sien Geburtsort Kammer, as Oortschap hüüd Deel vun de böverbayerische Stadt Traunstein, höör domols to de soltborgsche Pfarrei Otting.

Leven un Wark

Permoser wurr in Soltborg to’n Bildhauer utbildt un weer Schöler vun Wolf Weißenkirchner un Giovanni Battista Foggini. As Vörbiller gellenGiovanni Lorenzo Bernini un Pierre Puget. 1670 is Permoser in Wien nahwiest, van 1675 bit 1689 folg en längere Italienreis, de de Künstler entscheeden un Nahhaltig prägen sull. Den Grootdeel vun disse Tiet hett sück Permoser in Florenz uphollen.

1689 wurr he as Hoffbildhauer nah Dresden beropen un hett ünner August dem Starken tallriek Warken schafft. Sien völfaltig Tätigkeiten in Dresden, vor allen för den sassischen Hoff, wurrn dör abermolige Reisen nah Italien (1697/98 un 1725), Soltborg, Wien un Berlin ünnerbraken.

Permoser is de bedüüdenste un inflootriekste Vermittler vun de Formideen vun die italiensch Barockplastik nah Düütschland. To sien Hööftwarken tellt vör allen de Skulpturenschmuck för den Dresdner Zwinger (af 1711). Vun Permoser stammt dat Gesamtkonzept för de Utgestaltung un tallriek Figuren ut Holt, Steen un Elfenbeen. Besünners to erwähnen is ok de Apotheose vun Prinzen Eugen in Wien.

Balthasar Permoser funn sien letzte Ruhestäh up den Ollen katholschen Karkhoff an de Friedrichstraat in Dresden.

• 
  Graftstäh vun Balthasar Permoser up den Ollen Kathoolschen Karkhoff in Dresden
• 
  Nymphenbad in’t Dresdner Zwinger
• 
  Mohr mit Smaragdstufe in't Gröön Gewölbe in Dresden
• 
  Modell vun en Statue vun de Hillig Magdalena
• 
  Apoll mit de Lyra im Schweriner Slottgorden

Literatur

• Sigfried Asche: Balthasar Permoser und die Barockskulptur des Dresdner Zwingers. Frankfurt a. M. 1966
• Sigfried Asche: Balthasar Permoser – Leben und Werk. Berlin 1978
• Johannes Glötzner: Permosers Segensrosen – Neuigkeiten und Kuriositäten über Balthasar Permoser. München 2005
• Johannes Glötzner: Permosers Bartbuch – Eine bärtige Recherche über den Dresdner Bildhauer. München 2006
• Johannes Glötzner: Permosers Bart. Historischer Tatsachenroman. München 2008
• Erich Hubala: Die Kunst des 17. Jahrhunderts. Propyläen Kunstgeschichte, Band 9. Berlin 1970
• Albert Ilg: Permoser, Balthasar. In: Allgemeine Deutsche Biographie (ADB). Band 25, Duncker & Humblot, Leipzig 1887, S. 382–384.
• Joachim Menzhausen: Permoser, Balthasar. In: Neue Deutsche Biographie (NDB). Band 20, Duncker & Humblot, Berlin 2001, ISBN 3-428-00201-6, S. 190–192 (Digitalisat).

Filme

• Zwischen Barock und Rokoko, Der Hofbildhauer Balthasar Permoser, BR 2001, Eine Filmdokumentation von Bernhard Graf

Weblenken

Balthasar Permoser. Mehr Biller, Videos oder Audiodateien to’t Thema gifft dat bi Wikimedia Commons.