August Varenius
Dit Woort hett noch annere Bedüden: kiek dorför ünner August Varenius (de Jüngere).
August Varenius (August Varen; * 20. September 1620 in Hitzacker; † 15. März 1684 in Rostock) weer en düütschen lutherschen Theoloog, de Perfesser an de Universität Rostock weer.
Varenius is 1620 as Söhn von’n bruunswiek-lümbörgschen Hoffprediger Heinrich Varenius (1595–1635) un siene Fro Anna Freder († 1623) in Hitzacker boren. Sien Broder weer de Geograaf Bernhard Varenius (1622–1650 oder 1651).
Na dat Studium von de Evangeelsche Theologie an de Universitäten Helmstidde, Königsbarg un Rostock[1] un dat Studium von dat Hebrääsche in Hamborg hett Varenius an’n 30. August 1643 sien Magister maakt.[2] He weer denn Perfesser för Hebrääsche Spraak un christliche Katechees an de Philosophische Fakultät von de Universität Rostock.[3] 1648 hett he as Lizentiat an de Theoloogsche Fakultät in Rostock promoveert[4], 1650 is he as Dr. theol. promoveert worrn.[5] 1663 is he op de twete hartögliche Professur för Theologie in Rostock oprückt[6], de he bet to sien Dood harr. He harr acht Maal dat Amt as Rekter von de Universität.
As Vertreder von de luthersche Orthodoxie hett Varenius en Reeg Striedschriften gegen Katholiken, Calvinisten un Sozinianer schreven, aver ok exegetische un dogmaatsche Warken un theoloogsche Disputatschonen.
Varenius weer verheiraadt un harr de Kinner Magdalene Justine (hett Jacob Hieronymus Lochner freet) un August (1663–1729).
Schriften (Utwahl)
[ännern | Bornkood ännern]- De Targumim vel paraphrasibus Chaldaicis Onkelos in Legem, Jonathanis in Prophetas et illa quae extat in Hagiographos Lectionum Academicarum prima. Rostock 1644
- Disputatio Theologica De Ieiunio contra Pontificios inprimis Bellarminum. Rostock 1656
- Paulus Evangelista Romanorum sive Analysis epistolae ad Romanos. Rostock 1656
- Decades Mosaicae in duos priores Libros Pentateuchi genesin et exodum. Rostock 1659
- Exegesis Augustanae Confessionis. Rostock 1664
- Collegium canonicum quatuor novissimorum prophetarum Danielis, Zachariae, Haggaei et Malachiae. Rostock 1667
- Anti-Socinianismus orthodoxus. Rostock o. J. (ca. 1670)
- Antipapismus orthodoxus in praecipuis christianae religionis articulis et dogmatibus, ecclesias inter Augustanae Confessionis invariatae addictas et Pontificios controversis. Rostock 1673
- Decades Biblicae in 5. L. Mosis, qui Deuteronimion inscribitur. Rostock 1675.
- Breviarium theologicum, s. Controversiarum, praecipue inter Theologos Augustanam Confessionem invariatam professos post publicatum Librum Concordiae. Rostock 1675
- Commentarius in prophetam Isaiam, hrsg. v. Johannes Fecht. Rostock und Leipzig 1708
Footnoten
[ännern | Bornkood ännern]- ↑ Immatrikulatschoon von August Varenius in dat Rostocker Matrikelportal
- ↑ Promotschoon as Magister von August Varenius in’t Rostocker Matrikelportal
- ↑ Rezeption an de Phil. Fak. von August Varenius in’t Rostocker Matrikelportal
- ↑ Promotschoon as Lizentiat von August Varenius in’t Rostocker Matrikelportal
- ↑ Promotschoon as Dokter von August Varenius in’t Rostocker Matrikelportal
- ↑ Rezeptschoon an de Theol. Fak. von August Varenius in’t Rostocker Matrikelportal
