August Bahr

Vun Wikipedia
Zur Navigation springen Zur Suche springen

Johannes Friedrich August Bahr (* 13. Juli 1801 in Rauenkerken; † 25. Februar 1855 in Horborg) weer en düütschen Verwaltungsbeamten.

Bahr is 1801 in Rauenkerken boren. Von’n 18. September 1815 bet 22. März 1819 weer he op de Kloosterschool Ilfeld. Na de School hett he an de Universität Göttingen Juristeree studeert. Bahr weer denn toeerst Amtsassesser bi de Ämter Dannenbarg un Bleikd. 1827 is he denn Magistraatsassesser in Horborg worrn. He weer von 1835 bet to sien Dood 1855 Börgermeester von Horborg. He is an en Hartslag doodbleven.

De Bahrstraat in Horborg-Eißendörp is 1955 na Bahr nöömt worrn.