August Arteldt
August Arteldt (* 18. Oktober 1870 in Beemsen; † 28. Februar 1948 in Ülzen) weer en düütschen Politiker von de Düütsch-Hannöversche Partei (DHP).
Arteldt is 1870 as Söhn von en Schorsteenfegermeester in Beemsen boren. Na de Volksschool in Beemsen hett he en Lehr as Schorsteenfeger maakt un later den Meester as Schorsteenfeger. 1899 is he in Ülzen as Bezirksschorsteenfeger anstellt worrn.
In de Weimarer Republik weer Arteldt in de Düütsch-Hannöversche Partei. Bi de Wahl in’n Dezember 1924 to’n Prüüßschen Landdag is he in’n Wahlkreis 15 Oosthannover (Stood-Lümborg) as Afornten wählt worrn un is denn bet to de nächste Wahl 1928 Afornten bleven. Bi de Wahl 1928 to’n Rieksdag hett he in’n Wahlkreis 15 (Hannover-Oost) en Mandaat för de DHP wunnen. He is bet September 1930 in’n Rieksdag bleven.
Arteldt weer ok Börgervörsteiher in de Stadt Ülzen un Maat von’n Kreisdag in’n Kreis Ülzen. Bi de Schorsteenfegerinnung för’n Regerungsbezirk Lümborg weer he de Eerste Vörsitter un bi de Kreishandwarksbünn von’n Regerungsbezirk Lümborg ok. Tosätzlich weer he Maat von dat prüüßsche Landsgewarvamt un Maat von’n Vörstand bi’n Noordwestdüütschen Handwarkbund un bi’n Schorsteenfegermeester-Verband von Neddersassen.
Na’n Tweten Weltkrieg weer Arteldt Biornten un Viez-Börgermeester von de Stadt Ülzen un wedder Maat in’n Kreisdag von’n Landkreis Ülzen.
Arteldt weer siet 1896 verheiraadt un harr veer Kinner.
Literatur
[ännern | Bornkood ännern]- Beatrix Herlemann: Biographisches Lexikon niedersächsischer Parlamentarier 1919–1945. Veröffentlichungen der Historischen Kommission für Niedersachsen und Bremen, Band 222, Hahn, Hannover 2004, ISBN 3-7752-6022-6, S. 28