Au-Geest-Gymnasium Harsfeld

Dat Au-Geest-Gymnasium Harsfeld is en Gymnasium in Harsfeld in’n Landkreis Stood mit üm un bi 950 Schölers in 36 Klassen un 65 Schoolmeesters (Stand Schooljohr 2011/2012).

De School nimmt de Schölers op, de von de Grundscholen Rosenborn, Feldbusch (all beid in Harsfeld), Ohlers, Bargst, Wiegersen un Kutenhult-Mulsen na Gymnasium wesselt. Von dat Schooljohr 2018/2019 af an höört ok de Grundschool Bliersdörp-Nottensdörp to’n Schoolbezirk.

Historie

Dat Gymnasium Harsfeld is 2004 grünnt worrn. De eerste Schooldag weer de 19. August 2004, dor noch in de Rüüm von de vörherige Orientierungsstufe von dat Schoolzentrum Harsfeld. To Anfang hett dat blot en 5. un 6. Klass mit 190 Schölers geven, de högeren Klassen sünd denn eerst mit de Tied tokamen.

In dat Schooljohr 2005/2006 harr dat Gymnasium 346 Schölers un 21 Schoolmeesters. To dat Schooljohr 2006/2007 is denn ok dat egene Schoolgebüüd trech worrn, dat 16 Millionen Euro köst harr. Dat Gebüüd het 34 Klassenrüüm, 16 Fackrüüm, en Forum un en Bökeree.

Dor harrn denn ok de Klassen 9 un 10 Platz in, de vörher in dat Athenaeum in Stood Ünnerricht harrn, un de School harr denn 620 Schölers. Dat eerste Abitur hett dat 2010 geven.

Mit Anfang von dat Schooljohr 2012/2013 driggt de School, de vörher blots Gmnasium Harsfeld heten hett, den ne’en Naam Au-Geest-Gymnasium Harsfeld.