Astrid M. Fünderich
Astrid Margarethe Fünderich (* 27. September 1963 in Düsseldörp) is en düütsch Schauspelerin.
Fünderich fung tonächst en Geologie-Studium in Aken an, hett dat aber 1991 midden in’t Diplom afbraken, um Ensembleliddmaat bi dat free Theater K in Aken to wurrn. 1992 hett se en Schauspeelutbillen an de Ecole Philippe Gaulier in London as ok en Hollywood Acting Workshop in Los Angeles maakt. 1993 weer se een Johr lang mit TheaterDämmerung up Tournee. Hör Feernseh-Debüt harr se 1994 in de Reeg Notaufnahme. Se hett sück sülvst managt, nehm an tallriek Castings deel un kreeg toletzt hör eerst groot Rull bi Der Fahnder. Sietdem weer se överweegend in Feernsehserien un -filmen to sehn. In de RTL-Krimireeg Die Cleveren harr se van 1998 bit 2002 en dörgahn Hööftrull as BKA-Beamtin Eva Glaser. För disse Rull weer se 2001 för den Düütschen Feernsehpries nomineert.
Siet 2009 speelt se in de ZDF-Krimireeg SOKO Stuttgart de dörgahn Hööftrull vun de Eerste Kriminalhauptkommissarin Martina Seiffert, Baas vun de SOKO.
Astrid M. Fünderich is siet 1997 verheiraadt un leevt in Süüddüütschland. En Leedenschap vun hör is dat Fallschirmspringen.
Filmografie (Utwahl)
[ännern | Bornkood ännern]| Johr | Titel |
|---|---|
| 1997 | Das erste Semester |
| 1997 | Die Feuerengel, Feernsehreeg |
| 1995-98 | Hallo, Onkel Doc!, Feernsehreeg |
| 1998 | Mobbing Girls, Feernsehreeg |
| 2001 | Die Frau, die Freundin und der Vergewaltiger, Feernsehn |
| 1998-2002 | Die Cleveren, Feernsehreeg |
| 2004-05 | Sabine!!, Feernsehreeg |
| 2005 | Vanessa Kramer und der rote Skorpion, Feernsehn |
| 2006 | Unter der Sonne |
| 2009-2018 | SOKO Stuttgart, Feernsehreeg |