Aston Martin DB5
.jpg)
De 1963 vörstellt Sportwagen Aston Martin DB5 vun den britschen Hersteller Aston Martin weer en överarbeit Version vun den Vorgängertyp DB4. De DB5 wurr as Sportwagen in en typischen 2+2-Sittkonfiguratschoon baut (Tweesitter mit twee tosätzlich Notsitten). Dat Körzel DB steiht för David Brown, den langjohrigen Eegendömer vun Aston Martin.
De DB5 ünnerscheed sück vun den DB4 dör den vun 3,8 up 4 Liter Hubruum vergrötterten Motor un dat ZF-Fiefganggedriev. De Basismotor in’n DB5 mit dree SU-Gliekdruckvergaser hett 210 kW (286 PS) leist. Dat Fohrwark mit der stiev Achterass bleev in’t Wesentliche gliek.
Besünnere Upmarksomkeit kreeg de DB5 dör sien tallriek Upträen in James-Bond-Filmen. Dat Modell is dat woll bekanntste Bondauto un wurr Midden vun de 1960er Johren dör de Filme Goldfinger un Feuerball populär. Nah en Paus vun dartig Johren wurr de Aston Martin as ikonographisches Element vun disse Filmreeg siet 1995 wedder regelmatig in de Bond-Filmen insett.
Technische Daten[ännern | Bornkood ännern]
| Aston Martin DB5 | |
|---|---|
| Bautiet | 1963–1965 |
| Motoraart | Ottomotor |
| Motorarbeitsverfohren | Veertakt |
| Motorbauaart | Sösszylinder-Riegenmotor mit babenliggend Nockenwellen |
| Hubruum | 3995 cm³ |
| Bohrung × Hub | 96 mm × 92 mm |
| Gemischupbereitung | dree SU-Gliekdruckvergaser |
| Nennleistung bi min−1 | 210 kW (286 DIN-PS) bi 5500 |
| max. Drehmoment bi min−1 | 390 Nm bi 3850 |
| Gedriev, serienmäßig | ZF-Fiefganggedriev |
| Gedriev, optschonal | Borg-Warner 3-Gang-Automatik |
| Antriebsaart | Achterradandriev |
| Bremsanlaag | Schievenbremsen vörn un achtern |
| Afmeeten (L×B×H) in mm | 4572 × 1676 × 1346 |
| Spoorwiet in mm | vörn 1372 / achtern 1359 |
| Radstand in mm | 2489 |
| Leergewicht in kg | 1468[1]–1502 |
| Hööchstgeschwindigkeit | 142 mph (229 km/h)[1] |
| Beschleunigung 0–60 mph (0–97 km/h) | 7,1 Sekunden[1] |
| Listenpries 1963 | £ 4.175[1] |
Modellvarianten[ännern | Bornkood ännern]
-
DB5 Vantage -
DB5 Convertible -
DB5 Shooting Brake
Mit Utnahm vun den DB5 Saloon leefer Aston Martin ok wiedere Versionen vun dat Fohrtüüch ut.
DB5 Vantage[ännern | Bornkood ännern]
De bi Aston Martin traditschonell Vantage nöömt leistungsstärkste Version DB5 Vantage harr dree Weber-Vergaser un en Leistung vun 234 kW (318 PS). Insgesamt wurrn blots 65 DB5 Vantage Coupés baut.
DB5 Convertible[ännern | Bornkood ännern]
In de tweejohrig Bautiet wurrn blots 123 Convertibles (Cabriolets) produzeert. Se harrn aber nie den traditschonallen Tosatz Volante. Blots 19 Stück weeren linkslenkt.
DB5 Shooting Brake[ännern | Bornkood ännern]
De langjohrige Aston-Martin-Eegendömer David Brown geev 1963 den DB5 Shooting Brake för sien persönliche Bedürfnisse as Jäger in Updrag; de free Karosseriebauer Harold Radford Coachbuilders hett dorvan 12 Stück baut.[2] De Wagen harr in beladen Tostand en kritisch Fohrverhollen; Oorsaak weer de unverännert övernommen stiev Achterass vun den DB5.
An‘n 15. August 2019 wurr en DB5 Shooting Brake bi de Monterey Car Week für 1,765 Millionen US-Dollar verstiegert. He gellt as de düerste je verstiegert Shooting Brake.[3]
James Bond sien DB5[ännern | Bornkood ännern]
Geschichte[ännern | Bornkood ännern]
De Aston Martin DB5 is woll dat bekanntste James Bond Filmauto un droog mit sien Upträe in James Bond Goldfinger (1964) maatgevend to dat Bedüüden vun den jewieligen Deenstwagen vun den Filmhelden bi. Ofschons Ian Fleming in sien Bookvörlaag to den Film James Bond en Aston Martin DB Mark III beschreev, wurr in den den Film dat dormals aktuelle Modell, de DB5, insett. Vun de beid Original-Filmautos wurr een in’n Sömmer 1997 in Florida klaut un weer siether lang Tiet verschullen, bit dat in dat Johr 2021 in’n Middleren Osten weer updüken dee[4]. Dat anner Auto wurr 2010 verstiegert.[5]
De verantwortliche Filmproduktschonssellschopp Eon Productions hett doruphen de enorme Attraktivität un de potenziellen Vermarktungsmögelkkeiten vun den Wagen seen und hett in Vörbereitung up de uf Upführen vun James Bond 007 – Feuerball] (1965) twee wiedere Forhtüüch bestellt un hett de Umbaut (Fohrgestellnummern: DB5/2007/R un DB5/2008/R).[6]
Neben Goldfinger wurr de Aston Martin DB5 ok in lateren Filmen as Bondauto insett. Allerdings keem blots bi Feuerball de Original-Prototyp nochmal to’n Insatz.
En Fohrtüüch, dat sormals för PR-Zwecke bruukt wurr, befinn sück hüüd in dat Louwman Museum in Den Haag.[7]
Siet Mai 2019 wurrd en up 25 Exemplare limiteert Antall an DB5 fertigt.[8]
Filminsätze[ännern | Bornkood ännern]
In folgenden Bondfilmen keem en Aston Martin DB5 to’n Insatz:
- James Bond 007 – Goldfinger (1964)
- James Bond 007 – Feuerball (1965)
- James Bond 007 – GoldenEye (1995)
- James Bond 007 – Der Morgen stirbt nie (1997)
- James Bond 007 – Die Welt ist nicht genug (1999)[9][10][11]
- James Bond 007: Casino Royale (2006)
- James Bond 007: Skyfall (2012)
- James Bond 007: Spectre (2015)
- James Bond 007: Keine Zeit zu sterben (2021)
Gadgets[ännern | Bornkood ännern]
In Goldfinger wurrn den DB5 vun Q eenige „optional extras“ inbaut:
- 2 Browning-MGs, Kaliber .30 achter de vörderen Blinker
- Utfohrbar Klingen in den Zentraalverslüssen
- Utfohrbar schöötsekere Rückwand
- Funktelefon
- Radaranlaag mit Verfolgungsscherm („HOMER“-Signalgever)
- Schleudersitt up de Bifohrersiet
- Öölspray achter de Rückluchteenheiten
- Kreienfööt, de ut de Rückluchteenheit rutschmeeten wurrn können
- Rookwand ut de Endröhrs vun de Afgasanlaag
- Wesselnummernschild vörn un achtern mit „BMT 216A“ (UK) „4711-EA-62“ (F) un „LU 6789“ (CH)
- Rammupsätze vörn un achtern
- Wapenfack ünner de Bifohrersitt, de man afsluuten kann
- schöötsekere Verglasung
In Feuerball wurr buterdem noch en Waterkanoon installert.
In Skyfall kommen to’n eersten Mal siet Feuerball wedder Wappen vun dat Auto to’n Insatz. Bond droht M mit de Inbedrevnahm vun den Schleudersitt, buterdem wurrn de Frontmaschinengewehre bruukt. In’n Finale vun den Film wurdr de Aston Martin as Aflenkung bruukt un in’n Ansluss dör de Angrieper verneelt. In Spectre wurr de aber vun Q restaureert un an’t Enn vun den Film vun Bond fohren. In Keine Zeit zu sterben wurrn de olt Maschinengewehre ünner de Blinkerluchten dör Gatlings in de Vörderluchten as ok de Kreienfööt dör lütt Bomben ersett.
Auktschonen[ännern | Bornkood ännern]
Dat Fohrtüüch mit de Fohrgestellnummer DB5/1486/R, dat bi Goldfinger to’n Insatz keem, wurr 2010 vun dat Auktionshuus RM Auctions (hüüd RM Sotheby’s) in London för 2,6 Millionen Pund (≈ 2,93 Millionen Euro) verstiegert.[12][13]
1969 hett Anthony Bamford de Fohrtüüch mit de Fohrgestellnummern DB5/2007/R un DB5/2008/R vun Eon Productions köfft. Dat letzt nöömt Fohrtüüch wurr een Johr later an dat Smoky Mountain Car Museum in Tennessee verköfft.[6] 2006 wurr dit Fohrtüüch vun dat Auktionshuus RM Sotheby’s för 2,1 Millionen Dollar eerstmals verstiegert.[14] 2019 wurr dat Fohrtüüch nochmals verstiegert un broch nu bi en Auktschoon vun RM Sotheby’s in dat kalifoornsch Monterey en Endsumm vun 6,4 Millionen Dollar (≈ 5,75 Millionen Euro) in.[15]
Literatur[ännern | Bornkood ännern]
- Larry Edsall: Legenden der Automobilgeschichte. Von den Anfängen bis ins 21. Jahrhundert. White-Star-Verlag, Wiesbaden 2006, ISBN 978-3-939128-52-6, Sieden 176–179.
Weblinks[ännern | Bornkood ännern]
Enkeld Nahwiesen[ännern | Bornkood ännern]
- ↑ a b c d astonmartin.com/heritage-cars/db5 (engl.) (Memento von dat Original von’n 31. Mai 2012 in dat Internet Archive) Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
- ↑ [1]
- ↑ classicandsportscar.com
- ↑ Phoebe Southworth: Stolen James Bond Aston Martin DB5 is spied in the Middle East. In: The Telegraph. 18. August 2021, ISSN 0307-1235 (telegraph.co.uk [afropen an’n 19. Oktober 2022]).
- ↑ Jürgen Pander: Aston Martin DB5 – Legendäres James-Bond-Auto wird versteigert. In: Spiegel.de. 3. Juni 2010, afropen an’n 18. August 2019.
- ↑ a b 1965 Aston Martin DB5 „Bond Car“. In: RMSothebys.com. Afropen an’n 18. August 2019 (engelsch).
- ↑ Aston Martin DB5 James Bond. In: LouwmanMuseum.nl. Afropen an’n 18. August 2019 (engelsch).
- ↑ Adrian Padeanu: Five Aston Martin DB5 Continuation Cars Fire Their Fake Machine Guns. In: motor1.com. 21. Dezember 2020, afropen an’n 21. Dezember 2020 (engelsch).
- ↑ James Bond should stop driving the Aston Martin DB5 – Thank Frankel its Friday. 6. Dezember 2019, afropen an’n 24. Juni 2020.
- ↑ http://strangways.blog69.fc2.com/blog-entry-1659.html
- ↑ "The World Is Not Enough" in Aston Martin DB5. 16. Juli 2009, afropen an’n 7. März 2021.
- ↑ James Bond’s original 1964 Aston Martin DB5 up for sale. In: JamesBondLifestyle.com. 2. Juni 2010, afropen an’n 18. August 2019 (engelsch).
- ↑ James Bonds Aston Martin für 2,6 Millionen Pfund versteigert. In: Zeit Online. 28. Oktober 2010, afropen an’n 18. August 2019.
- ↑ Original James Bond Aston Martin DB5 auctioned for $2.1 million. In: JamesBondLifestyle.com. 23. Januar 2006, afropen an’n 18. August 2019 (engelsch).
- ↑ James Bonds Lieblingswagen für 6,4 Millionen Dollar versteigert. In: Spiegel.de. 16. August 2019, afropen an’n 18. August 2019.
