Arturo Berutti
_-_Archivio_Storico_Ricordi_FOTO002659.jpg)
Arturo Berutti (* 14. März 1858[1] in San Juan; † 3. Januar 1938 in Buenos Aires) weer en argentiensch Komponist.
Leven
[ännern | Bornkood ännern]Berutti hett eerst in Buenos Aires Rechtswetenschapen studeert. En Stipendium wegen sien musikalisch Talent hett hüm dat aber 1884 mögelk maakt, en Musikstudium in Europa antofangen. He fung en Utbillen an dat Konservatorium in Leipzig bi Carl Reinecke und Salomon Jadassohn an un hett dat 1889 in Paris un 1890 in Mailand fort sett. Hier wurr he entscheedend dör de italieensch Oper beinfloot. Nah sien Trüggkehr in sien Heimat 1896 hett he sien all in Europa anfungen Operschaffen nu ok ünner Verwennen vun Libretti mit süüdamerikaansch Themen fortsett. He wurr so de bedüüdenst argentiensch Opernkomponist vun dat utgahn 19. un anfangen 20. Johrhunnert.
De nahhollen italieensch Infloot up sien Warken hett aber deren andüernd Bühnenpräsenz in Argentinien verhinnert, se wurrn in de Loop vu de Johren vullständig dör „natschonale“ Opern verdrängt, de de Folklore vun sien Heimat verplicht weern.
Warken
[ännern | Bornkood ännern]- Vendetta, Oper, 1892
- Evangelina, Oper nah den Roman vun Henry Wadsworth Longfellow, 1893
- Tarass Bulba, Oper nah den Roman vun Nikolai Gogol, 1895
- Pampa, Oper nah Juan Moreira vun Eduardo Gutiérrez, 1897
- Yupanki, Oper nah Vicente Fidel López, 1899
- Khrysé, Oper nah den Roman Aphrodite vun Pierre Louÿs, 1902
- Horrida nox, Oper, 1908
- Gli eroi, Oper nah Vicente Fidel López, 1919
Literatur
[ännern | Bornkood ännern]- Juan María Veniard: Arturo Berutti. Un argentino en el mundo de la ópera, Instituto Nacional de Musicología „Carlos Vega“, Buenos Aires 1988, ISBN 95-0972-604-4