Arthur Mertins

Vun Wikipedia

Arthur Mertins (* 25. April 1898 in Tels; † 9. Dezember 1979 in Oterndörp) weer en düütschen Politiker von de SPD.

Mertins is 1898 in Tels boren. He is 1920 in de SPD rin un weer siet 1925 in’n SPD-Bezirksvörstand von Oostprüßen.[1] Mertins weer von 1921 bet 1930 Schoolmeester in Gutenfeld.[1] He weer Mitbegrünner von’n Bezirk Oostprüßen von de fre’e Lehrergewerkschaft un dor von 1920 bet 1930 in’n Vörstand.[1] Von 1921 bet 1926 hett Mertins blangen sien Beroop in Königsbarg Philosophie, Psychologie, Pädagogik un Volksweertschop studeert.[1] Von 1930 bet 1933 weer he Schoolmeester an en Volks- un Beroopschool in Mülhausen.[1]

He weer von von 1924 bet 1929 Maat von’n Gemeenraad in Gutenfeld un Viez-Börgermeester.[1] Von 1927 bet 1929 weer he Maat von’n Oostprüüßschen Provinziallanddag.[1] 1933 weer he ok Afornten in’n Kreisdag von’n Kreis Preußisch Holland.[1]

Von August 1929 bet September 1930 un von März bet Juni 1933 weer Mertins Afornten in’n Rieksdag.[1] Na § 4 von dat Gesett för dat Wedderherstellen von dat Beroopsbeamtendom von’n 7. April 1933 is he ut dat Lehramt entlaten worrn un weer bet 1936 arbeidsloos.[1] He hett denn as Grundstücksmaakler in Königsbarg arbeidt un weer von 1939 bet 1945 Hauptfeldwebel bi de Wehrmacht.

Na’n Tweten Weltkrieg weer Mertins in de eerste Legislaturperiood von’n 7. September 1949 bet 7. September 1953 Maat von’n Düütschen Bundsdag. He is bi de Bundsdagswahl 1949 in’n Wahlkreis Cuxhoben-Hadeln-Wersermünn mit 34,3 % von de Eerststimmen direkt wählt worrn.

Footnoten[ännern | Bornkood ännern]

  1. a b c d e f g h i j Daniela Münkel, Peter Struck: Das Ermächtigungsgesetz 1933: eine Dokumentation zum 75. Jahrestag. Vorwärts Buch, 2008, Sied 171