Arteria intercostalis suprema

De Rippen-Halsstamm mit sien Aftwiegen. De böverste Twüschenrippenarterie (highest intercostal op’n Bild) is de lütte Twieg na ünnen.

De Arteria intercostalis suprema (böverste Twüschenrippenslagader) is en Arterie vun’n Hals. Bi Minschen twiegt se ut den Truncus costocervicalis af un spiest de beiden achteren Twüschenrippenslagadern (Arteria intercostalis posterior I un II), de in jemehrn Twüschenrippenruum na vörn loopt.

Bi de meisten annern Söögdeerten verhollt sik de Slagader meist jüst so. Ok dor twiegt se ut den Truncus costocervicalis oder ok direkt ut de Arteria subclavia oder den Truncus brachiocephalicus un spiest de eersten Twüschenrippenarterien, de bi Deerten op de Rüchsiet loopt un as Arteriae intercostales dorsales betekent warrt. Bi Hunnen verloopt disse Bloodfatten dorsal vun de Rippenhalsen, un warrt bi jem dorüm as Arteria vertebralis thoracica betekent.

Literatur

• Hermann Voss, Robert Herrlinger: Taschenbuch der Anatomie, Band II: Eingeweide, Kreislaufsystem. Gustav Fischer Verlag, Stuttgart 1988, 17. Opl., S.376-377. ISBN 3-437-00502-2
• Uwe Gille: Herz-Kreislauf- und Abwehrsystem, Angiologia. In: F.-V. Salomon u. a. (Rgv.): Anatomie für die Tiermedizin. Enke-Verlag, Stuttgart, 2. w. Opl. 2008, S. 404–463. ISBN 978-3-8304-1075-1