Arnold Preuß

Vun Wikipedia
Wesseln na: Navigatschoon, Söök

Arnold Preuß (* 20. September 1951 in Willemshaven) is en düütsch Theaterbaas, Schauspeler, Regisseur un Översetter. Van sien Profeschon her is he Diplom Verwaltungswirt (FH).

Leven[ännern | Bornkood ännern]

Van 1987 an weer he de Verwaltungsdirektor un later de kopmann'sche Geschäftsföhrer van de Landesbühn Neddersassen-Nord. In de Tiet von 1996 bit 1998 weer he in Personalunion ok de interimistische künstlerische Geschäftsführer, dar harr he de Opgaav van den Intendanten utföhrt. In de Tiet hett he ok as Maat van't professionelle Ensemble an de Landesbühn speelt (u.a. in "Die Caine war ihr Schicksal", "Krankheit der Jugend" "Ein Winter unterm Tisch", "Merlin und das weite Land").

He is siet 1973 Maat van't Theater an't Meer - Nedderdüütsch Bühn Willemshaven. Dar speelt un inszeneert he, middewiel in mehr as 80 Rullen un 50 Inszeneern. As Översetter warkelt he siet 1988. Siet de Tiet hett he wiet över 40 Stücken in de plattdüütsche Spraak översett. Stücken van Brecht, Gogol, Moliere, Hebbel un Goldoni hett he darmit för dat Nedderdüütsche Theater op de Bühn brocht.

Baas van't Theater an't Meer wurr he an'n 14.September 1985 un bleev dat bit 1995. Tosamen mit Marion Zomerland is he dat wedder siet den 16. Mai 2003. Tosamen hebbt se ut de Nedderdüütsch Bühn en Privattheater maakt, wat in en egen Theater en Bühn mit 99 Platzen hett. To dat Schauspeelhuus höört ok en bühnenegen Theaterschool för junge Lüüd to. För de Arbeit is dat Theater 2007 van de Ollborgsche Landschup mit den Födderpries uttekent worrn. Siet den 15. Juni 2017 hett he dat Leit van de Bühn wedder alleen in de Hannen. Marion Zomerland blifft aver Baas van de Theaterschool.

Preuß is siet den 3. September 2005 bit vandagen Präsident van'n Nedderdüütschen Bühnenbund Neddersassen un Bremen. In sien Amtstiet hett he de Nedderdüütschen Jugendtheaterdaag in de Gangen brocht. Füdder hett he darvör sorgt, dat all de Bühn van'n Bühnbund sik eenmal in't Johr to en Tokunftswarkstee drapen doot, wo se daröver sinnert un diskereert, wo dat mit dat Nedderüütsche Theater in de Tokunft wieter gahn kunn.

An'n 9. März 2016 wurr he för sien langjöhrig ehrenamtlichet Engagement för de Pleeg un Födderung van de nedderdüütsch Spraak, dat Theaterspeel un de Jugendkulturarbeit mit dat Bundesverdeenstkrüüz an'n Bande van'n Verdeenstorden van de Bundesrepublik Düütschland uttekent.[1]