Armstrong Siddeley Hurricane

Vun Wikipedia
Armstrong Siddeley Hurricane (1951)

De Armstrong Siddeley Hurricane is en Pkw, den de britisch Hersteller Armstrong Siddeley vun 1946 bit 1953 footend up den een Johr vörher herutbrochten Lancaster un as Nahfolger vun den 16-Six fertigen dee.

Dat Auto weer 4763 mm lang, 1727 mm breet, 1549 mm hooch, sien Radstand bedroog 2921 mm un dat Leergewicht 1461 kg. [1]< ref name=PM196004/>

Dat Fohrwark harr, as bi den Lancaster, vörn Eenzelraduphangen mit Dreihstafffeern un achtern en andreeven Starrass, de an Längsblattfeern uphangt weer. Dat Modell harr en deelhydraulisch Bremssystem vun Girling. De Vörderradbremsen weern hydraulisch betätigt, wiels an de Achterass Seil- un Gestängebremsen insett weern. Serienmäßig weern de Fohrtüüch mit Schievenrööd utstatt.[1]

Tonächst weer en babenstüert Sösszylindermotor mit 1991 cm³ Hubruum (Bohrung × Hub = 65 mm × 100 mm) inbaut, de bi en Verdichten vun 7:1 en Leistung vun 70 bhp (51 kW) bi 4200/min. leefern dee. Disse Motor stamm vun den Vörgänger 16-Six. Af 1949 wurr de dör den nee Motor mit glieker Charakteristik, aber 2309 cm³ Hubruum (Bohrung × Hub = 70 mm × 100 mm), en Verdichten vun 6,5:1 un en Leistung vun 75 bhp (55 kW) bi 4200/min. ersett[2] Neben en handschalt Veerganggetdriev weer up Wunsch ok en Vörwählgedriev mögelk.

De tweedörig Karosserie mit veer Sittplätzen weer in Gemischtbauwies herstellt. Up en Rahmen ut Eschenholt un Aluminium weern Aluminiumblicken fastmaakt. De Wagen harrn achtern anslahn Dören, ok Sülvstmörderdören nöömt. Wiels de Fertigungstiet geev dat blots wenig Veränderungen. Dat Modell 1948 harr en en beten leegere Motorhaubenlien un de achteren Kotflögel kreegen vörn je en Steenslagschuul verpasst.[3]

Bi sien Vörstellung hett de Hurricane up den Heimatmarkt £ 1151 köst.[1] Bit 1953 entstunnen 2606 Exemplare vun den Hurricane.[1]

Enkeld Nahwiesen[ännern | Bornkood ännern]

  1. a b c d Graham Robson: A–Z of British Cars, 1945–1980. Herridge & Sons, Devon 2006. ISBN 0-9541063-9-3.
  2. David Culshaw, Peter Horrobin: The Complete Catalogue of British Cars 1895–1975. Veloce Publishing, Dorchester 1997. ISBN 1-874105-93-6. S. 47–50
  3. Second Hand car guide supplement in Practical Motorist. Ausgabe 6 nbr 68. Zwischen Seiten 768 und 769.

Weblinks[ännern | Bornkood ännern]

Armstrong Siddeley Hurricane. Mehr Biller, Videos oder Audiodateien to’t Thema gifft dat bi Wikimedia Commons.