Armin Mandel

Armin Mandel (* 1919 in Asendörp; † 9. September 1996 in Wunsdörp) weer en plattdüütschen Schriever.

Mandel is 1919 as Söhn von en Schoolmeester in Asendörp boren. Nadem de sozialdemokraatsche Vader na de Machtergreifung von de NSDAP vör de Tied in Rohstand schickt worrn is, is de Familie na Wunsdörp tagen. Mandel hett an de Pädagoogsche Hoogschool studeert un is Schoolmeester in Lamme worrn. In’n Tweten Weltkrieg is he na de Wehrmacht intagen un to’n Fluglehrer utbillt worrn. Na’n Krieg hett he as Discher bi de Firma Wallbaum in Lüttjen Heidorn arbeidt. Blangenbi hett he Bidrääg för Rundfunk un Dagbläder schreven. Von 1947 bet 1957 weer he Schoolmeester an de Stadtschool in Wunsdörp un denn Rekter von de ne’e Grund- un Hauptschool in Wunsdörp. Ok den Opbo von de Kreisvolkshoohschool hett he leidt.

1956 hett he den Vörsitt över de Heimatbundgrupp Wunsdörp övernahmen, ut de later de Heimatvereen Wunsdörp worrn is.

1986 hebbt Armin un Lilo Mandel den Oortspries Wunsdörp kregen. An’n 30. Oktober 1991 is Mandel Ehrenbörger von Wunsdörp worrn. De Binnenhoff von dat Raadhuus in Wunsdörp hett 2003 na em den Naam Armin-Mandel-Hoff kregen.

He hett an’n 14. Mai 1945 in Odense siene Fro Lieselotte (Lilo; † 18. Mai 2009) freet.

Warken

• Paradies vör de Dör. Leuenhagen & Paris, Hannover 1982
• Kiek in de Sünn. Dit un dat up Hoch un Platt. Sülvsverlag, Wunsdörp [1983]
• Wilhelm Busch op Platt. (Texten von Willem Busch översett von Mandel) Husum-Druck- und Verlagsgesellschaft, Husum 1983, ISBN 3-88042-214-1
• De Struwwelpeter op Platt. Lustige Geschichten un drollige Biller. (Texten von Heinrich Hoffmann översett von Mandel) Husum-Druck- und Verlagsgesellschaft, Husum 1984, ISBN 3-88042-229-X
• ’n beten Spass. Nochmal wat up Hoch un Platt. Holtzmeyer, Bruunswiek 1986, ISBN 3-923722-16-8
• Glück in’n Kasten. Leuenhagen & Paris, Hannover 1986, ISBN 3-923976-08-9
• Kiek nich in’t Muuslock. Wedder wat up Hoch un Platt. Holtzmeyer, Bruunswiek 1986, ISBN 3-923722-15-X
• Hannoversches Wörterbuch. (tohoopstellt von Hans Joachim Toll, rutgeven von Reimar Hoffmann un ergänzt von Armin Mandel) Feesche, Hannover 1989, ISBN 3-87223-042-5

Hoochdüütsch:

• Ein Dorf an der Leine. Esperke/Warmeloh 1974
• Wechselvolle Epoche. 1855-1980. 1980
• Am Steinhuder Meer. Sehen, Entdecken, Studieren, Wissenwertes für jedermann. ca. 1980
• Neue Heimat Wunstorf. Ausgebombt, geflüchtet, vertrieben, ...aufgenommen. Ein Bericht über die Notzeit Ende 1944 u. die ersten Nachkriegsjahre in Wunstorf. (mit Erwin Holodynski) 1981
• Heimatbuch. Skizzen aus dem Landkreis Hannover. [1982]
• Aus dem Land der Niedersachsen. 1983
• Heimatbuch. Menschen und Landschaft um Hannover. (Rutgever) 4 Bann, 1983-1986
• Das Buch aus dem Neustädter Land. Berichte und Bilder von Land und Leuten im Herzen Niedersachsens. 1984
• Basse, Dorf im Leinbogen. Berichte, Notizen und Bilder zum Geschehen von 985-1985. [1985]
• Das Wunstorf-Buch. Aus der Geschichte einer Stadt und ihrer Landschaft. 1990

Weblenken

• Armin Mandel in de PBuB (hoochdüütsch)