Applikaat
De Applikaat is en Begreep ut de Mathematik, nipp un nau seggt ut de Geometrie. Se steiht gliekermaten för de drüdde Tall, de een Koordinaten-Weert angifft, as ok för de Ass sülvst, op de in dat karteesch Koordinatensystem disse Weert afmeten warrt. To de Ass, warrt ok z-Ass seggt.
De Applikaat wiet dat tweedimensionale Koordinatensystem mit de Abszisse un de Ordinaat to en rüümlich dreedimensional Koordinatenkrüüz ut un gifft in’n normalen Fall de Hööch an (op’n Bild steiht de Applikaat na vör’n).
Applikaten speelt en Rull in de Mathematik, Physik, Geodäsie un in de Astronomie – överall dor, wo Bewegen un Öört in’n dreedimensionalen Ruum beschreven oder utmeten warrn schüllt.