Antonia Wesseloh
.jpg)
Antonia Frederika Wesseloh (* 25. Juli 1995 in Buxthu) is en düütsch Model.
Wesseloh is 1995 in Buxthu boren un dor ok opwussen.[1] Se weer in Buxthu op de Rotkäppchenschool un later op dat Halepaghen-Gymnasium.[1] 2014 hett se dor ehr Abitur maakt.[1]
As se 14 weer, hett Wesseloh sik för Testopnahmen för den Film Die Wilden Hühner und das Leben anmellt, is aver nich nahmen worrn.[1] Se hett sik denn in’t sülve Johr noch bi fiev Modelagenturen beworven.[1] De Agentur Modelwerk ut Hamborg hett de 1,78 Meter grote Deern denn ünner Verdrag nahmen.[2] Ehr Debüt weer op de Berlin Fashion Week Harvst/Winter 2011 för Escada.[3] Kort later weer se blangen Ondria Hardin, Kelly Mittendorf, Frida Gustavsson un Julia Zimmer dat Gesicht von de Prada-Kampagne Harvst/Winter 2011.[4]
2012 hett se för de Kampagnen Sonia by Sonia Rykiel Vörjohr/Winter 2012 un Uniqlo Vörjohr 2012 modelt un 2013 ünner annern blangen Topmodel Hanne Gaby Odiele in SET Fashionology Harvst/Winter 2013.
Wesseloh weer in en ganze Reeg Editorials to sehn, 2011 in TUSH un Vogue Italien, 2012 in i-D Magazine, Grey Magazine, Love Magazine, Dazed & Confuzed, 10 Magazine, Vision China, Topshop, Vogue Japan, Mixte, Achtung Magazine un Vogue China un 2013 in dat MFF Magazine.
2011 weer ehr Bild op dat Titelbladd von dat Tush-Magazin.[5]
Wesseloh is al för Marc Jacobs,[6] Prada, Anna Sui, Balenciaga, Marni, Sonja Rykiel, Louis Vuitton, Chanel,[7] Valentino, Viktor & Rolf, Loewe, Donna Karan, Lacoste, Giambattista Valli, Oscar de la Renta, Nina Ricci, Rochas, Blumarine, Anteprima, Armani Privé, Bouchra Jarrar, Elie Saab, Dior un veel annere op’n Loopsteg lopen. Se gellt opstunns (2013) as een von de wichtigsten düütschen Topmodels.[8]
Weblenken
[ännern | Bornkood ännern]
- Antonia Wesseloh op models.com (engelsch)
- About Antonia op supermodels.nl (engelsch)
Footnoten
[ännern | Bornkood ännern]- ↑ a b c d e Mit 15 das Prada-Gesicht und mit 20 in Top-Model, Mittwochsjournal von’n 16. September 2015
- ↑ Alfons Kaiser: Deutsch und Mathe und Prada, FAZ von’n 25. September 2011
- ↑ Antonia Wesseloh – mit Prada in den Model-Olymp, Elle, 20. Oktober 2011
- ↑ Ilka Piepgras, Hella Schneider: Neue Deutsche Welle: Antonia Wesseloh, die Buxtehuderin. Die Zeit, 19. Januar 2012
- ↑ Tush – November 2011 (ID21028)
- ↑ Model Antonia Wesseloh, Vouge, 1. März 2012
- ↑ Lien Kaspari: Ein Landei auf dem Laufsteg, Bild-Zeitung, 5. April 2012
- ↑ Deutsche Supermodels adeln Michalsky-Show