António Mascarenhas Monteiro

António Mascarenhas Monteiro (links) neven Quett Masire (in'e Mitt) un Mahamane Ousmane (rechts)

António Mascarenhas Monteiro (* 16. Februar 1944 in Santa Catarina, Santiago; † 16. September 2016)) weer en kapverdischen Politiker. He weer vun’n 22. März 1991 bit to’n 22. März 2001 Präsident vun Kap Verde.

Leven

Monteiro güng na’n Afsluss vun sien Schoolutbilln na Belgien, woneem he an de Katholieke Universiteit Leuven dat Fack Rechtswetenschoppen studeert hett.

Twüschen 1977 un 1980 weer he de Generalsekretär vun de Natschonalversammeln. 1980 is he to’n Präsidenten vun’n bövertsen Gerichtshoff vun de Kap Verden bestimmt worrn.

As in Kap Verde en Mehrparteiensystem inföhrt worrn is, hett he 1990 ankünnigt, sik för dat Präsidentenamt to Wahl to stellen. Mit Ünnerstütten vun de Bewegen för Demokratie (MpD) is he denn an’n 17. Februar 1991 mit grote Mehrheit in dat Amt wählt worrn, dat he an’n 22. März 1991 övernahmen hett. He ist twee Amtstieten lang Präsident wesen un geev dat Amt denn af an Pedro Pires, hett aver noch bit 2006 as Butenminister vun Kap Verde arbeit.

Monteiro hett an’n 20. September 2006 to sien Beropen as Sünnerafsennten vun’n UN-Genearalsekretär för Oosttimor toseggt. He schüll dat Regeer vun de UNMIT övernehmen, as de Amtstiet vun Sukehiro Hasegawa to enn güng. An’n 25. September hett Monteiro dat Amt denn aver doch aflohnt, vun wegen dat eenige vun de Parteien in den Striet Bedenken gegen em harrn.

Kiek ok

• List vun de Präsidenten vun Kap Verde