Anslag op de Crocus City Hall

De Anslag op de Crocus City Hall an'n 22. März 2024 weer en Terroranslag in Krasnogorsk bi en Konzert vun de Band "Piknik". Mindst 143 Lüüd sünd doodbleven un 551 sünd verwunnt worrn. De Terrororganisatschoon "Islaamsch Staat" (IS) in Afghanistan (ISPK) hett sik to’n Anslag bekannt.

Hinnergrund

Afloop

De russ’sche Band "Piknik" sull eegentlich an’n Avend vun den 22. März 2024 en Konzert in de Crocus City Hall geven. Mit 6200 verköfft Koorten weer de Hall meist utverköfft.

Üm 20:00 Ortstiet kort ehr dat Konzert anfangen schölen, keemen tominnst dree Mannslüüd ut Tadschikistan in de Hall rein. Se weern nich maskeert un hebbt Bärten un Militärkledaasch droogt. De Terroristen hebbt anfungen, op de Konzertbesökers to scheten. Dornah hebbt se den Oort verlaten. Dat Gebüüd güng in Flammen op un dat Dack is instört.

En paar Stünnen nah de Tat hett sück de IS op den Telegram-Kanal "Amaq" meldt. Se hebbt sück to de Tat bekannt maakt un hebbt en Video vun en Bodycam vun den Doder herutbrocht.

Reaktschoonen

Russland

De russ'sche Präsident Wladimir Putin hett den Anslag as "barbarsche terroristsche Tat" veroordeelt. He hett den Verdacht utspraken, dat de Verbrekers in Kuntakt mit de Ukraine stunn un dar en Finster för den Övertritt vun de Grenz vörbereit wurrn. He hett en natschonalen Truerdag an ’n 24. März anordent.

Präsident Wladimir Putin to'n Anslag

An'n 25. März hett Putin in en Feernsehanspraak denn klaar maakt, dat de russ'sch Regeeren weet, dat de Angriepers radikale Islamisten weern, aver wüllen weten, worüm de Verbrekers in de Ukraine utneihn wullen.

Ukraine

Mychajlo Podoljak, de Berader vun dat Präsidialamt vun Wolodymyr Zelenskyj, hett klaar maakt, dat de Ukraine nix mit den Anslag to doon hett. He hett em as False-Flag-Operatschoon betekent, so dat Russland de Ukraine noch harter angriepen kann.

Nawiesen