Anslag in Nizza 2016

Vun Wikipedia
De Promenade des Anglais, 2004

Bi den Anslag in Nizza an‘n 14. Juli 2016 hett en Mann up de Promenade des Anglais tominnst 84 Lüde dootföhrt un mehr as 300 Lüde, to’n Deel böös, verwunnt, as he mit en Lkw in de Minschen rindunnert is.

Wat passeert is[ännern | Bornkood ännern]

Wie de Anslag aflopen is (vun West na Oost)
Szene an dat Koophuus Galeries Lafayette, kort na den Anslag

An’n Avend vun den 14. Juli sünd bi 30.000 Minschen up de Strandpromenade vun Nizza ween. Se wollen sik vun dor ut en Füerwark to’n franzööschen Natschonalfierdag ankieken.[1] Gegen 22.45 h is de Mann mit en witten Küll-Lkw up de Strandpromenade föhrt. De weer for den Verkehr afsperrt. Twuschen de Huusnummern 11 un 147 hett he up en Strecken vun bi twee Kilometer mit Afsicht en poor Hunnert Minschen overföhrt. Bi dat Hotel Negresco hett he en poor Mol up dree Polizisten schaten, de hefft torüchfüert. Denn is he noch bi 300 Meter wieter föhrt un bi dat Palais de la Méditerranée stahn bleven. De Fohrer weer doot. Bi em sünd unner annern een Pistole vun’t Kaliber 7,65 mm, Patronenhülsen un Patronen, de he nich bruukt harr, en Reeg vun Gewehr-Attrappen un en Granate funnen wurrn, de nich funkschoneren dö, just so as en Mobiltelefon, wat an weer, un sien Föhrerschien un siene Kreditkarte.[2][3] He harr den Lkw en poor Dage vördem in de Gegend vun Nizza hüert.[4] De 84 Lüde, de ümbracht wurrn sünd, kemen ut 21 Natschonen. Mank de Doden sünd ok twee Schölersche un en Schoolmestersche ut Berlin ween.[5]

Wer den Anslag utöövt hett[ännern | Bornkood ännern]

De Anslag is utöövt wurrn vun Mohamed Salmene Lahouaiej Bouhlel[6]. He weer 31 Johre oold un stamm ut Tunesien (* 3. Januar 1985 in M’saken). He weer 2005 na Frankriek hentrocken un leevde in Nizza. Sien Verlööf to’n Blieven in dat Land weer bit 2019 utstellt. An'n 16. Juli hett de Islaamsche Staat bekannt maakt, he stunn achter den Anslag.

Belege[ännern | Bornkood ännern]

  1. [1] Ellis Fröder, ARD Paris, mit Informatschonen to den Mann, de den Anslag utöövt hett :tagesschau.de, 2016-07-15}}
  2. [2] Attentat de Nice : le point sur l’enquête 18 heures après les faits, Laura Thouny: nouvelobs.com, 2016-07-15 (franzöösch)
  3. [3] Anschlag in Nizza: Lastwagen rast in Menschenmenge – mindestens 84 Tote, Spiegel Online, 2016-07-15
  4. [4] Tathergang, Opfer, Attentäter: Terror in Nizza – was bisher bekannt ist, spiegel.de
  5. Barbara Vorsamer, Jens Schneider: Das sind die Opfer von Nizza. In: sueddeutsche.de. Süddeutsche Zeitung, 15. Juli 2016, afropen an’n 17. Juli 2016.
  6. La très longue préméditation que suggère l'album photo du tueur au camion. In: Nice-Matin vom 19. Juli 2016, afropen an’n 19. Juli 2016.