Anke
Anke (öller: Anneke oder Anneken) is een plattdüütschen Vörnaam för Deerns.
Herkamen
[ännern | Bornkood ännern]Anke kümmt vun Anne. Dat is en annere Form vun den latienschen Naam Anna. (Düsse Naam kann vun vörn un ok vun achtern liek lesen weern. Sowat heet denn Palindrom). De Naam Anna is de latiensche Form vun den hebreeschen Naam Hannah. Hannah bedutt so veel, as De Gnaad kregen hett oder ok Up de Gott passen deit. Babenhen kann Anna ok vun den olen düütschen Jungsnaam Anno herkamen un is denn ümmuddelt för Deerns dör dat Enn -a.
De plattdüütsche Naam
[ännern | Bornkood ännern]As dat bi plattdüütsche Naams ganz begäng weer, is an den Naam Anne toeerst, as Anbacksel (Suffix) to'n lüttjer maken (Diminutiv), de Form -ke rankamen (En later Anbacksel is -tje, dorvun kummt denn de Naam Antje). So weer de Naam nu Anneke. Dat is denn mit de Tiet noch afslepen wurrn to Anke. Anke bedutt also so veel as Lütt Anna.