Anna Ovena Hoyers

Vun Wikipedia
Zur Navigation springen Zur Suche springen
Anna Ovena Hoyers, Kopperstich ut de Stockholmer Lederhandschrift, üm 1655

Anna Ovena Hoyers (* 1584 in Koldenbüttel; † 27. November 1655 op Good Sittwick bi Stockholm) weer en Schrieversche ut de Barocktiet.

Anna Ovena (ok Anna Hanß) is 1584 as Fresin un as Dochter vun’n Goodsbesitter un Astronom Johann Oven un siene Fro Wennecke Hunnens in Koldenbüttel in Noordfreesland boren. De Vader bleev dood as Anna een Johr oolt is un de Moder, as se dree is. Se keem denn wohrschienlich to ehr Unkel Meves Ovens in Witzworth. Se weer op de Latienschool un hett de klassischen Spraken Latiensch, Greeksch un Hebrääsch all snackt. Al mit 15 Johr hett se an’n 15. April 1599 den Goodsbesitter Hermann Hoyer heiraadt. Mit em hett se opminnst negen Kinner hatt. 1603 treckt se na Tünn op’t Tünner Slott, woneem ehr Mann as Amtmann arbeiden dee.

1617 keem ehr eerst Book rut Süßbittere Freude; / oder / Eine wahrhafftige Historie von zwey liebhabenden Personen

Se weer gegen de luthersche Orthodoxie un hett welk Swärmers in ehr Herrnhuus Hoyersworth opnahmen, nadem ehr Mann an’n 13. September 1622 doodbleven is. Dorto höör ok Nicolaus Teting, de in Flensborg as Rosenkrüzer un Alchemist utwiest worrn weer. Mit Teting güng se 1624 na Husum, keem aver bald trüch, as Teting ok dor utwiest worrn is. An’n 16. Dezember 1624 warrt se vun de Husumer Predigers anklaagt, dat se op ehr Good en enthusiastische Winkelkark opmaakt hett. 1626 güng se wedder na Husum un hett dor in ehr Huus wedder Sektierer opnahmen. Nu stünn se aver ünner dat Schuul vun Hertogin Augusta vun Gottörp. Ok wenn se sülvst vun de Gegeners nix to lieden harr, hett se 1632 ehrn Besitt verköfft un is na Sweden gahn, dor is se en beten rümreist, hett denn en Tiet in Westerwyck leevt un sik 1648 op dat Good Sittwick in Sweden trüchtagen. Vun Dor hett se jümmer wedder mit Schriften in’n Religionsstriet in Düütschland ingrepen. Op Plattdüütsch hett se ünner annern De denische Dörp-Pape schreven.

Warken[ännern | Bornkood ännern]

  • Gespräch eines Kindes mit seiner Mutter. 1628
  • Das Buch Ruth, in Teutsche Reimen gestellet. Stockholm 1634
  • Ein Schreiben über Meer gesand an die Gemeine in Engeland. 1649
  • Annae Ovenae Hoijers Geistliche und Weltliche Poemata. Tübingen 1986 (Ndr. d. Ausg. Amsterdam 1650)
  • De denische Dörp-Pape, hrsg. Paul Schütze, in: Zeitschrift der Gesellschaft für schleswig-holstein-lauenburgische Geschichte, 15 (1885), 243-299

Weblenken[ännern | Bornkood ännern]

Wikisource-logo.svg Bi’n Wikiborn gifft dat Originalschriften över dat Thema oder vun den Schriever: De Denische Dörp-Pape.