Andreas Schmidt (Schauspeler)

Vun Wikipedia
Andreas Schmidt (2016)

Andreas M. Schmidt (* 23. November 1963 in Heggen; † 28. September 2017 in Berlin[1]) weer en düütsch Schauspeler, Speelbaas un Rocksinger.

Leven[ännern | Bornkood ännern]

Schmidt is in dat Märkisch Veerdel vun Berlin upwussen. Anfangs hett he Germanistik un Philosophie studeert. Later henn hett he enige Schauspeel- un Regieseminaren beleggt. Dornah geev dat Bühnenengagements in Mannheim, Dortmund, Bonn un Berlin. Sien Kinodebüt harr Schmidt 1988 in Linie 1. 2003 wurr he för Pigs Will Fly för den Düütsch Filmpries as best Hööftdorsteller nomineert. 2006 speel Schmidt in de Kummedie Sommer vorm Balkon un wurr nochmals för den Düütsch Filmpries nomineert, ditmal as best Nebendorsteller. Todem hett he 2006 bi den Wiehnachtsfilm Beutolomäus und der geheime Weihnachtswunsch mitspeelt. 2008 speel he in de Film Fleisch ist mein Gemüse mit, för de he 2009 den Düütschen Filmpries för de best männlich Nebenrull kreeg.[2]

De Schauspeler weer todem Singer in de Rockband Lillies große Liebe un weer en spoodriek Theaterspeelbaas. Schmidt leev mit sien Fro in Berlin-Kreuzberg.

Rullen[ännern | Bornkood ännern]

Andreas Schmidt speel in dree Filmen vun de ut Irland stammend Speelbaas Eoin Moore jeweils de Hööftrull, wobi sien Dorstellernaam jeweils en beten afännert wurr:

  • Plus Minus Null (1999): Alex
  • Conamara (2000): Axel
  • Pigs Will Fly (2002): Laxe

De Reeg wurr nich foortsett, aber de Tosommenarbeit: 2005 speel Schmidt in Moores Film Im Schwitzkasten de Hööftfigur Toni Neer; in de Krimi Jenseits ut de Reeg Polizeiruf 110 (2007) speel he en Nebenrull as Manfred Hausner.

In de Feernsehprodukschonen Krauses Fest (2007) un Krauses Kur (2009) speel he Gänse-Schlunzke, de Nahber vun Polizeihauptmeister Horst Krause, speelt vun Horst Krause. Krause speel ok de sülvige Figur in Polizeiruf 110 un ok dor is Schmidt tweemal an sien Siet uptreden, aber in anner Rullen.[3][4]

Filmografie (Utwahl)[ännern | Bornkood ännern]

Johr Titel
1974 Alwin auf der Landstraße, Feernsehn
1988 Linie 1
1990 Stille Betrüger
1998 Der Schnapper: Blumen für den Mörder, Feernsehn
1998 Plus-minus null
2000 Conamara
2001 Gnadenlose Bräute, Feernsehn
2002 Gangster
2002 Pigs Will Fly
2004 Liebe auf Bewährung, Feernsehn
2004 Bin ich sexy?
2005 Sommer vorm Balkon
2005 Im Schwitzkasten
2006 Neandertal
2006 Gefangene
2007 Die Fälscher
2008 Fleisch ist mein Gemüse
2008 Der Mond und andere Liebhaber
2008 Zoogeflüster – Komm mir nicht ins Gehege!
2009 Liebling, weck die Hühner auf, Feernsehn
2009 Krauses Kur, Feernsehn
2009 Joanna Trollope: In Boston liebt man doppelt, Feernsehn
2010 Henri 4
2010 Im Spessart sind die Geister los, Feernsehn
2011 Tage die bleiben
2011 Das Mädchen auf dem Meeresgrund, Feernsehn
2013 Banklady
2014 Auf Das Leben!
2016 Ente gut!
2017 Timm Thaler oder das verkaufte Lachen
2017 Die Unsichtbaren

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. http://www.focus.de/kultur/kino_tv/im-alter-von-53-jahren-schauspieler-andreas-schmidt-gestorben_id_7655048.html
  2. http://www.deutsche-filmakademie.de/uploads/media/Preistraeger_2009.pdf
  3. Andreas Schmidt in Polizeiruf 110 (Togreep an’ 7. Dezember 2009)
  4. Krauses Kur bi rbb-online.de (Togreep an’ 7. Dezember 2009)