Andreas Brehme
Andreas Brehme (* 9. November 1960 in Hamborg-Barmbek; † 20. Februar 2024[1] in München) weer en düütsch Footballspeler.
De Afwehrspeler speel van 1965 bit 1980 bi HSV Barmbek-Uhlenhorst un wessel denn för een Saison to’n 1. FC Saarbrücken. Van 1981 bit 1986 speel he för den 1. FC Kaiserslautern, dornah van 1986 bit 1988 FC Bayern München. Ansluutend wessel he för veer Johr to Inter Mailand, denn noch een Saison bi Real Saragossa, bevör he van 1993 bit 1998 noch mal bi Kaiserslautern spelen dee. In 301 Bundsligaspelen hett he 50 Doren schaaten.
För de düütsch Natschonalmannschap hett he van 1984 bit 1994 insgesamt 86 Lännerspelen maakt un dorbi acht Doren schaaten. Brehme hett an de Weltmeesterschapen 1986, 1990 un 1994 deelnommen un wurr mit de düütsch Mannschap 1990 Weltmeester, wobi he dat Siegdoor per Elfmeter scheeten dee. Ok bi de Football-Europameesterschapen 1984, 1988, 1992 weer he dorbi, as ok bi dat Olympisch-Footballturnier 1984.
Nah sien aktiv Loopbahn weer he van 2000 bit 2002 Teammchef un 2002 noch för en körten Tiet Teammanager bi 1. FC. Kaiserslautern.
Borns
[ännern | Bornkood ännern]- Bernd Rohr, Günter Simon: Fußball-Lexikon, 2004 Copress Verlag, ISBN 3-7679-0829-8