Alwin Schockemöhle

Alwin Schockemöhle up Zukunft bi en Mächtigkeitsspringen, Willemshaven, ca. 1965

Alwin Schockemöhle (* 29. Mai 1937 in Meppen) is en ehmalger düütsch Springrieder.

Sien spoodriekst Tiet as Springrieder weer in de 1960er un 1970er Johren mit Eenzel- un Mannschapsspood bi Olympisch Spelen un Europameesterschapen. Paul Schockemöhle is sien jüngerer Bröer.

Biografie

Nah anfänglichen Spood in dat Völsiedigkeitsrieden, in dat he sück 1956 för de Olympisch Spelen qualifizeeren dee, aber nich för den Kader nömmt wurr, is Schockemöhle in dat Lager vun de Springrieder wesselt.

Hier wunn he 1960 in Rom mit de Mannschap, an de Siet vun Hans Günter Winkler un Fritz Thiedemann sien eerst olympisch Goldmedaille. 1968 in Mexiko-Stadt wunn he mit de Mannschap en Bronzemedaille.

Bit to sien Spood bi de Europameesterschapen 1975 wurr he ok „Champion ohne Titel“ nömmt, wiel he bit dorhen kein bedüüden Eenzeltitel wunnen harr. Bi de Olympisch Sömmerspelen 1976 wurr Alwin Schockemöhle denn doch noch Eenzel-Olympiasieger un mit de Mannschap wunn he dorto noch de Sülvermedaille.

Sien Karriere as aktiv Rieder hett he 1977 wegen anhollen Rüggprobleme upgeven. He hett denn aber wiederhen för den Rietsport as Trainer un Utbiller arbeit. Völ later bekannt wurrn Springrieder wurrn vun hüm opdeckt oder fördert, so to'n Bispeel Gerd Wiltfang, Franke Sloothaak, Thomas Frühmann, Ulrich Kirchhoff oder ok Johan Heins ut den Nedderlannen.

Schockemöhle hett 1980 sien Amt al Equipechef vun de düütsch Springrieder daalleggt, nahdem de düütsch Kaderrieder hüm vörsmeeten harrn, dat he sien Schöller den Vörtoog geev.

Van nu an hett he sück mit den Trabrennsport befaat, wo sien Peer grooten Spood fiern kunnen. He wurr en vun de spoodriekst Trabertüchter in Europa. Sien Hingst Abano AS wunn 2003 in Paris den Prix d’Amerique, de wertvollste Prüfung in' Trabrennsport. Sien Hingst Diamond Way is de spoodriekst Verarver in' europääschen Trabrennsport.

1993 weer Alwin Schockemöhle Deelhebber an 17 Firmen, dorünner en Baustahlmattenfabrik.

1977 kreeg he den Goldenen Ring vun den Aachen-Laurensberger Rennvereins e.V. 2004 wurr he to en vun de 100 best düüsch Sportler küürt.

Siet 1981 steiht up den Europaplatz in de Binnenstadt vun Vechte, den Wahnoort vun sien Rieder Alwin Schockemöhle, en levensgroot Bronzestatue vun dat Springpeerd Warwick Rex. Fertigt hett de Statue de Münchner Künstler Heinrich Faltermeier un sall doran erinnern, dat Vechte en traditschonell Zentrum vun de düütsch Peertucht un den düütschen Peersport is.

Wat he schafft hett

• Olympisch Spelen
  • 1960 in Rom: Goldmedaille Mannschap, Eenzelwertung 26. up Ferdl
  • 1968 in Mexiko-Stadt: Bronzemedaille Mannschap, Eenzelwertung 7. up Donald Rex
  • 1976 in Montreal: Sülvermedaille Mannschap, Goldmedaille Eenzelwertung up Warwick Rex
• Europameesterschap:
  • 1963 in Rom Bronzemedaille Mannschap, Sülvermedaille Eenzel up Ferdl un Freiherr
  • 1965 in Aken: Bronzemedaille Eenzel up Freiherr
  • 1967 in Rotterdam: Bronzemedaille Eenzel up Donald Rex un Pesgö
  • 1969 in Hickstead: Sülvermedaille Eenzel up Donald Rex un Wimpel
  • 1973 in Hickstead: Sülvermedaille Eenzel up Rex the Robber un Weiler
  • 1975 in München: Goldmedaille Mannschap, Goldmedaille Eenzel up Warwick Rex
• wiedere:
  • veermal Düütsch Meester (1961, 1963, 1967, 1975)
  • dreemal Sieger in’ Grooten Pries vun Aken (1962 up Freiherr, 1968 up Donald Rex un 1969 up Wimpel)
  • dreemal Sieger vun dat Düütsch Spring Derby in Hamborg (1957, 1969, 1971)

Utteknungen

• 1976: Krawattenmann vun dat Johr
• 2016: Upnahm in de Hall of Fame vun den Düütschen Sport

Weblinks

Alwin Schockemöhle. Mehr Biller, Videos oder Audiodateien to’t Thema gifft dat bi Wikimedia Commons.

• Alwin Schockemöhle up Sports-Reference.com (engelsch)
• derStandard.at Juni 2002
• Rheinlands Reiter - Pferde Juli 2004
• NDR.de / Sportclub Stars November 2011
• DNB-Portal

Literatur

• Eckhard F. Schröter: Das Glück dieser Erde. Leben und Karriere deutscher Springreiter.. Fischer-Taschenbuch-Verlag, Frankfort a. M. 1980, ISBN 3-596-23019-5