Alfred Rosenberg

Vun Wikipedia
Wesseln na: Navigatschoon, Söök
Alfred Rosenberg (1941), Foto: Hoffmann (Bundesarchiv)
Signatur

Alfred Ernst Rosenberg (russisch: Альфред Вольдемарович Розенберг, Alfred Woldemarowitsch Rosenberg; * 12. Januar 1893[1] in Reval; † 16. Oktober 1946 in Nürnbarg) weer to Tiet vun de Weimarer Republiek un den Natschonalsozialismus Politiker un führen Ideoloog vun de NSDAP. As Student weer he 1917 Tüüg vun de Oktoberrevolutschoon in Moskau. As de russischen Rechtsextremen hett he dat as Folg vun en jöödsch-freemüererrischen Weltverschwörung sehn. Mit disse Vörstellung hett he later maatgevend de Ideologie vun de NSDAP präägt. Af 1920 droog Rosenberg mit tallriek rassenideologischen Schriften düchtig to de Verschärfung vun den Antisemitismus in Düütschland bi.

In' Tweeten Weltkrieg ünnernehm he mit sien Einsatzstab Reichsleiter Rosenberg (ERR) Beutetüüg in ganz Europa, insbesünnere to den Roov vun Kulturgöder. As Baas vun dat Reichsministeriums für die besetzten Ostgebiete (RMfdbO) hett he in' Rahmen vun sien Ostpolitik dat Projekt vun de Germaniseeren vun de besett Ostrebeeden bi de systematisch Vernichtung vun de Jööden to glieker Tiet verfolgt. Rosenberg wurr in' Nürnbarger Hööftperzess as Hööftschuldiger vun de NS-Kriegsverbreken anklaagt, in all veer Anklaagpunkten för schuldig befunnen, to'n Dood veroordeelt un ansluutend henricht.

Weblenken[ännern | Bornkood ännern]

Commons-logo.svg Alfred Rosenberg. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Indrag in dat Dööpregister vun de Nikolaikark vun Reval (eestnisch: Tallinna Niguliste kirik).