Albumin

Vun Wikipedia
Wesseln na: Navigatschoon, Söök
Albumin-Struktur (Monomer)
Albumin-Struktur (Dimer)

Albuminen (vun lat.: albus, „witt“) höört jüst so as de de Globulinen to de Grupp vun de globulären Proteinen. In’n Lief hett dat de Opgaav, den kolloidosmootschen Druck oprecht to hollen, un Stoffen, de sik normalerwies nich goot in Water lösen doot, dör’t Anbinnen an’t Albumin waterlööslich to maken. Albuminen kamt ok in Melk, Eier un Weet vör.

Egenschoppen[ännern | Bornkood ännern]

Albuminen hebbt en Molekülmasse vun ruchweg 66.000 Dalton un sünd ut 584 bit 590 Aminosüren tohopensett. Dör jemehrn hogen Andeel an Cystein wiest Albuminen en teemlkich hogen Andeel an Swevel op. Se lööst sik goot in Water mit en Binnkapazität vun ruchweg 18 ml/g. De isoelektrische Punkt liegt bi en pH-Weert vun 4,6.

Albuminen sind Ampholyten: in’n Gegensatz to annere Kolloiden oder Kristalloiden künnt se – as annere Proteinen ok – Anionen as ok Kationen binnen un ok wedder afgeven. Se minnert dat Aggregeren vun Erythrozyten un Thrombozyten, dat heet dat dat Billn vun Klutens in’t Blood hinnert warrt.

Vörkamen[ännern | Bornkood ännern]

Hööftartikel betogen op’n Minsch): Humanalbumin

Albumin gifft dat in Melk (Lactalbumin) as ok in Höhner-Eiwitt (Ovalbumin). Homologen vun Albumin sünd in all Chordadeerter antofinnen.

In de Saat vun tweekeemblödrige Planten (to’n Bispeel Hämpsaat) gifft dat in’n Dörsnitt twüschen 10 un 60 Prozent Protein. En groten Deel dorvun is dat 2S-Albumin.[1] Ok in de Butenschaal vun’t Weetkoorn is Albumin in Form vun Leukosin binnen. Dat is en Ünnerscheed to all annenern Koornsorten un stellt mööglicherwies en Oorsaak för Weetallergie dor.

Bruuk[ännern | Bornkood ännern]

Morbus Wilson[ännern | Bornkood ännern]

Albumin warrt insett to’n Behanneln vun Morbus Wilson. Wenn dordör de Lebber starken Schaden nahmen hett, kann dat as Övergang geven warrn, bit en egent Spennerorgan funnen worrn is. Albumin binnt dorbi dat Kopper, dat in to grote Mengden vörliggen deit.

Tumorkennen[ännern | Bornkood ännern]

Wieter kann Albumin ok as Drägerstoff bi de Diagnoos vun Krebs in Tumorgeweev bruukt warrn. Faste Tumors bruukt to’n Wassen mehr Energie, de ünner annern dordör opbröcht warrt, dat de Tumor grote Mengden vun’t Albumin ut dat Blood opnehmen deit. För de Diagnoos warrt en fluoreszeren Stoff 5-Aminofluorescein) an’t Albumin koppelt, dat sik denn över’t Blood in’n Lief verdeelt un sik in dat Tumorgeweev anriekern deit. Mit Laserlicht kann de Stoff to’n Lüchten anregt warrn un maakt dormit de fienen Utlöpers vun den Tumor sichtbor. Op disse Wies kann de Grenz twüschen Tumor- un Normalgeweev ok bi en Operatschoon sichtbor maakt warrn, wat sünners Operatschonen in de Bregenchirugie lichter maken doot.[2][3]

Tumortherapie[ännern | Bornkood ännern]

Siet Anfang 2000 befaat sik en Arbeitsgrupp vun’t Düütsche Krebsforschungszentrum (DKFZ) mit dat Utklamüstern vun Albumin-bunnen Heelmiddels, de in Tumoren un Sweren stüert warrn künnt. Dat Teel weer to verkloren, woans disse Albumin-Konjugaten in de Zell opnahmen warrt un dat Heelmiddel ut dat Konjugaat freesett warrn kann. De Forschers arbeit ok doran, dat Binnmolekül twüschen Heelmiddel un Albumin to verbetern, üm dat Freesetten nipp un nau an’n Oort, woneem dat wirken schall, hentokriegen.

Kalibreren vun Testverfohren[ännern | Bornkood ännern]

In de Forschung warrt Rinneralbumin (BSA, vun engl. bovine serum albumin) vör allen in de Immunologie insett, üm ünner annern Testverforehn to Kalibreren. Bi immunologische Nawiesverfohren as dat Enzyme-linked Immunosorbent Assay oder bi Immunpräzipitatschoon warrt BSA faken bruukt, üm nich-spezifische Binnen vun Immunglobulinen an de Kunststoffböverflach vun de Mikrotiterplaat oder de Agarose-Beads to hinnern. Disse Beads warrt in Immunpräzipitatschonen insett un dorför mit Antikörpers versehn.[4]

Kiek ok[ännern | Bornkood ännern]

Borns[ännern | Bornkood ännern]

  1. P. R. Shewry, J. A. Napier, A. S. Tatham: Seed storage proteins: structures and biosynthesis. In: The Plant cell. Band 7, Nummer 7, Juli 1995, S. 945–956, ISSN 1040-4651; DOI:10.1105/tpc.7.7.945.
  2. Düütsch Krebsforschungszentrum (DKFZ), Heidelbarg: „Leuchtende Krebszellen weisen Hirnchirurgen den Weg“, Nr. 18 vun’n 26. März 2009
  3. P. Kremer, M. Fardanesh u. a.: Intraoperative fluorescence staining of malignant brain tumors using 5-aminofluorescein-labeled albumin. In: Neurosurgery. Band 64, Nummer 3 Suppl, März 2009, S. 53–60, ISSN 1524-4040; DOI:10.1227/01.NEU.0000335787.17029.67
  4. Datenblatt Santa Cruz Biotechnology, Inc., Protein L-Agarose Immunoprecipitation Reagent: sc-2336 (PDF; 64 kB)

Weblenken[ännern | Bornkood ännern]