Albert Champion
Albert Champion (* 5. April 1878 in Paris; † 27. Oktober 1927 ok dor) weer en franzöösch-amerikaansch Radrennfohrer, Autorennfohrer un Konstrukteur vun Motortobehördeelen. He hett de Firma Champion Ignition Company, grünnd, de 1909 in AC Spark Plug Co umnömmt wurr.
Leven
[ännern | Bornkood ännern]Mit 12 Johren fung Albert Champion mit en Arbeit as Böschkopp för en franzööschen Fohrradhersteller an. Um up dat Fohrrad de flinkste Kurier vun dat Ünnernehmen to wurrn, hett he harrt traineert. He wurr dordör binnerhalv wenig Johren so spoodriek, dat he 1894 bit 16 Johren to ein eersten Sieg bi en natschonal Radrennen fohren dee.[1] 1899 wunn Champion dat Rennen Paris-Roubaix un fiev Johr later wurr he franzöösch Stehermeester, ofschons he wegen en Unfall en Been körter as dat anner harr.[2]
Vun dat Fohrrad weer dat för den tempobegeisterten Champion blots en lütten Träe to'n Motorradsport, de hüm 1899 sluutend nah Amerika führen dee. Um de Leistung vun sien Motorräder to erhöhen, hett Champion immer weer an de dormals begäng Zündkersen rumtüftel un hett wesentlich Verbeetern henkreegen. 1904 hett he in Flint sien eegen Firma, de Champion Ignition Company grünnd un fung an mit den Import un de eegen Produktschoon un Vermarktung vun Zündkersen un anner Tobehördeelen.
Dat 1909 in AC Spark Plug Company umnömmt Ünnernehmen wurr bannig spoodriek un 1927, nah den Dood vun Albert Champion, vun General Motors upköfft un in den Konzern ingleedert.
Enkeld Nahwiesen
[ännern | Bornkood ännern]- ↑ time-magazin vom 7. November 1927: Death of Champion
- ↑ Hans Borowik: 300 Rennfahrer in einem Band. Kurzbiographien. Deutscher Schriftenverlag, Berlin 1937, S. 14.